Ezekiyele 7:11 - Livulu lya Shukulu Kalunga

¹¹ Vukalu vusholola vilinga vya kupenga-penga. Cuma nacimo cai cavo cikasalao, cuma nacimo cai ca ku vufuko vwavo, na ku vuvwa vwavo, nambe ku vumpau vwavo, cikasalao.

Ezekiyele 7:11 Iomraidhean Croise

Myaso 125:3

Vaka-vuvi kuvakashwana lifuti lya vaka-vushunga, nga vakalingamo, co vaka-vushunga vakalinga vuvi.

Myaso 73:8

Vajola vakwavo nakuvendeka vyuma vyavivi, omwo kulyalesa kwavo vatumba matumbe akuyandesa vakwavo.

Myaso 78:64

Vaka-kukombelela vavatapele na mikwale, co vifwile vavo kuvavalilile.

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Njelemiya 22:18

Ngecivene, Shukulu Kalunga alinakwendeka ali Yehoyakime muna Yosiya mwene wa mu Yunda ngwendi, “Naumo wai akamulila nambe kwendeka ngwendi, ‘Kekange yaya, kekange ndolome yange!’ Naumo wai akamulila ngwendi, ‘Kekange shukulu yange!’ ‘Kekange mwene yange!’

Njelemiya 25:33

A litangwa lije, mivila ya vaje vaatsiile Shukulu Kalunga ikakala nakushandozoka kutunda ku shongo imo ya kaye nakweta ku shongo ikwavo. Naumo wai akavalila, nambe kuvatsinda. Vakalala asi ngwe mitumbo ya vwilo.

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 5:4

Co nonao lalo twatupuzuzu, tumbile mu liko, vyesele vyenye vyoshe. Co tuhya tukatundao tukashalava nakwenyeka lifuti lyoshe lya Isalele.”

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Ezekiyele 7:2

“Muna munu, evi vikevyo yange Kalunga wa Akamwa ya Vyoshe, njilinakwendeka ku lifuti lya Isalele, eci cikeco kukotoka kwa lifuti lyoshe!

Ezekiyele 7:23

“Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Amose 6:3

Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando.

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Mika 3:3

Mulya situ ya vanu vange. Mujuva cikonde cavo, mupokozola vitsiya vyavo vipazu-vipazu, nakuviteleka ngwe situ ya mu ndeo.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.