Ezekiyele 7:10 - Livulu lya Shukulu Kalunga

¹⁰ Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Ezekiyele 7:10 Iomraidhean Croise

Myaso 89:32

co njikavahisa omo vuvi vwavo, co njikavayandesa omo kupenga-penga kwavo.

Visimo 14:3

Cilema wa kulyalesa vamuhisa akwendeka vya vulema, oloni majwi a muka-mana amunyunga ikeye vavenya.

Visimo 16:18

Kulyalesa manene kutwala munu kukunyonga.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 21:12

Njamukumbulwile ngwange, “Kulinakukya, oloni vutsiki vukaija lalo. Nga ushaka kwihula lalo, yokeluke nakwihula.”

Isaya 28:1

Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Ezekiyele 12:23

Ololo valeke vije yange Kalunga wa Akamwa ya Vyoshe, njilinakwendeka a vyuma evi. Yange njikamanesa cisimo cije. Co kuvakaciilukila-ilukila lalo mu Isalele embwe. Valeke ngwove, ‘Simbu inete, co vuka-kwimanena vukapwa vwa vushunga!’

Ezekiyele 19:14

Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 21:10

Vanawotola ngeci utsiye vanu, co vanaukalula ngeci uvyakule ngwe muhyato. Kukwesi kujolela, omwo vanu vange vanapokola kunangula kwoshe nakunyanyamesa kwoshe.

Ezekiyele 21:13

Njilinakwilula vanu vange, nga vavyana kutenguluka, co vyuma vyoshe evi vikalingiwa kuli vakevo.’

Ezekiyele 30:3

Litangwa lili muyehi, omo Shukulu Kalunga akapanga, likapwa litangwa lya mashelwa nakunyonga kwa miyati.

Ezekiyele 7:12

Simbu ilinakwija. Litangwa lili muyehi, omo kulanda nakulandulula kuvikakala lalo na seo, omwo Njambi akanyanyamesa vanu voshe mu cifwa cimo.

Ezekiyele 7:6

Kunahu. Oku kukekwo kukotoka. Unanyongo.

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Kulava 17:8

Alikaki, Mosesa wakovelele mu Mbalaka Mwakuliwanena, co wamwene mulamu wa Alone uje wemanenene muyati wa Levi, unajovelela, uli na mavundungulu, unashamwina vishani, co unemi vushuka vwakuhya vwa alumonde!

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”