Ezekiyele 6:9 - Livulu lya Shukulu Kalunga

⁹ kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Ezekiyele 6:9 Iomraidhean Croise

2 Vimyene 16:10

Omo Mwene Ahaze waile ku Ndamasiku nakuliwana na Tingelate Pilesele mwene wa Asilya, wakamwene mutula kuje, co wautembunwine nakuusoneka, co watumine cifwa cawo kuli Uliya muka-kukombelela,

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 137:1

Twatumbamene asi ku vindonga vya Mbambilone, co twalilile omo twanukile Siyone.

Myaso 78:40

Visimbu vyavingi vamutengulukilile mu mambo, nakumuvavalesa ku mbunge!

Isaya 43:24

Kumwanjilandelele insense, nambe kunjana litambelo lyalivwa lya tusitu tweni va n̄ombelo. Oloni mwanjizeyesa na vuvi vweni, mwanjizeyesa na vivulumuna mwalingile.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Isaya 7:13

Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 3:6

Omo Yosiya wapwile mwene, Shukulu Kalunga wendekele kuli yange ngwendi, “Unamono vije vyanalingi Isalele, uje munakazi wakujeneka kulongwa? Ikeye natundu kuli yange, co nalingi vukwizi a lilundu lyoshe lyalilaja na mu minzinze ya miti yoshe yakutonola.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Ezekiyele 12:16

Njikatava vavandondo lika kuputumuka mu nzita, na ku njala ya lyangengela, na ku mushongo, ngeci akati ka miyati ije, vakananguke vati muvyafwa vilinga vyavo vya vunyengwe, co vakazivuka ngeci kuma yange Kalunga.”

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 16:61

Asinoni ukanuka vije viwalingile, co ukaziva shwamwa omo njikelwisa ndokazi yove wa mukulunu na ndokazi yove wa shongo. Njikakwanavo ngeci vakapwe vana vove va vanakazi, oloni kesi ngwe ku cikumiiyo cove.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 20:24

Njalingile eci omwo vavyanene kushika kwange nakupokola mashiko ange nakuzilula Litangwa Lyakuhwima, co valemesele tumponya tuje vene tuvapangele vakukulwila vavo.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 20:7

Njavalekele kumbila kuti tumponya twa vunyengwe tuje tuvazemene, co kesi valijwalese vakevo vavenya na tumponya twa vinjambi va Ingito, omwo yange njapwa Kalunga Njambi yavo.

Ezekiyele 23:30

vikevyo vinanena evi ali yove. Yove wapwile cikwizi ca miyati yoshe, co walijwalesele na tumponya twavo.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 6:10

Vakazivuka ngeci yange njapwa Kalunga, co kunangula kwange kesi kwangoco embwe.”

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Amose 2:13

Ngecivene, ololo njikamitsenena mu livu, co mukakemanga ngwe litemba linalongo manene vimbuto.

Mika 5:13

Njikanyongesa tumponya tweni na vimanda vyeni vya mamanya vyakujela, co kumukalemesa lalo vyuma vije vimukapanga.

Zakaliya 10:9

Nameme njavashandwela akati ka miyati ya vanu, oloni ku mitambela yakulyala kuje vali vakanjanuka. Vakevo na vana vavo vakayoya, co vakeluka mumolika kwimbo.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!