Ezekiyele 6:4 - Livulu lya Shukulu Kalunga

⁴ Mitula ikasiwuka, co mitula ya insense ikapokozoka. Vanu voshe vakavatsiila kulutwe lwa tumponya twavo.

Ezekiyele 6:4 Iomraidhean Croise

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

2 Vimyene 23:14

Mwene Yosiya wasiwile vimanda vya mamanya mu vimbazuvwila, wasiwile vifwa vya Ashela njambi wa munakazi, co a livu aje vemanene wafwikileo vitsiya vya vanu.

2 Mizimbu 14:5

Omwo watundisile mitambela ije vakele nakulemesela vaka-kujeneka kukulaela, na mitula ya insense mu vinganda vyoshe vya mu Yunda, co kwakele kwoloka a simbu ije yashwanene.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Njelemiya 43:13

Ikeye akanyongesa tumponya twa ku Helyopolise mu Ingito nakwenyeka lalo vinjuvo vya vinjambi va Ingito.”

Njelemiya 7:32

Ngecivene, litangwa likaija, omo mwela uje kuvakautumbula lalo ngwavo Tofete nambe Cana ca Hinome, oloni vakautumbula ngwavo Cana Cakutsiila. Vanu vakavatsinda muje, omwo kukukakala lalo mwela wakuvatsindila.

Ezekiyele 6:13

Mivila yavo ikashandokela mukati ka tumponya, na nakuzengeleka mitula, ikashandokela a malundu oshe amalaja, na akamwa ya minkinda yoshe, na mwisi ya minzinze ya miti, na mu miti yoshe yakama ya oke, na mu mitambela yoshe muje muvakenyekela vin̄ombelo ku tumponya twavo. Asinoni munu woshe akazivuka ngeci yange njapwa Kalunga.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

1 Samwele 5:4

Co alikaki mutondo-tondo vamwene lalo Ndangone nawila asi kulutwe lwa Cikasa ca Cikumiiyo. Co a simbu ije mutwe wendi na mavoko endi oshe avali vyavatukile nakuwila mu cikolo, kwasalele lika muvila.