Ezekiyele 5:6 - Livulu lya Shukulu Kalunga

⁶ Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Ezekiyele 5:6 Iomraidhean Croise

2 Vimyene 21:11

“Mwene Manase nalingi vyuma vyavivi, vikevyo oni vinatuvakana nevi vivalingile vaKanana, omwo tumponya twendi natwamenena vanu va mu Yunda mu vuvi.

2 Vimyene 21:9

Oloni vanu va mu Yunda kuvononokele Shukulu Kalunga, co Manase wavatwamenenene mukulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga ku mesho a vanu vendi omo vakele nakukovela mu lifuti.

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Nehemiya 9:35

Vimyene vashwanene vanu a vivezikiso vyove, omo vayoyele mu lifuti lyakama, lifuti lya vwilo lije liwavanene, oloni kuvatengulukile ku vuvi ngeci vakupangele.

Myaso 106:20

Valandakanene vumpau vwa Njambi, na cifwa ca kasitu wakulya mwila.

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Kutuuka 16:28

Asinoni Shukulu Kalunga wendekele kuli Mosesa ngwendi, “Visimbu vingai yeni vanu mukavyana kwononoka kushika kwange?

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 8:5

Omwo vikajo vanu vange mulinakutunda kuli yange kujeneka kwiluka? Mukakateya ku tumponya tweni, co munavyana kwiluka kuli yange.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 16:51

“Samaliya kalingile vuvi ngwe vumwalingile yeni. Yeni mwalingile vya vunyengwe manene kutuvakana vuje vwalingile ikeye. Omwo vyuma vyoshe vije vya vunyengwe walingile, wasambesele vandokazi vove kupwa vakujeneka mulonga.

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.