Ezekiyele 5:16 - Livulu lya Shukulu Kalunga

¹⁶ Njikatepulula ku vyakulya vyeni, co mukalanduka ku njala ya lyangengela. Mukaziva muyavavala njala, ngwe vanamyasha mikili yakuvambuka mukuminyongesa.

Ezekiyele 5:16 Iomraidhean Croise

2 Vimyene 6:25

Omwo vazengelekele ije nganda vyakulya vyapwile vyavindondo manene mu nganda, co mutwe wa cimulu vaulandele mavundungulu makumi atanu na atatu a siliva, co litambelo lya kilo lya tuzi twa mayembe valilandele mavundungulu atanu a siliva.

Myaso 7:13

nakuvwaesela cimweja nakunana mikili yendi ya milangi ya tuhya.

Isaya 3:1

Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Njelemiya 52:6

Co a litangwa lyamucitanu na awana ku ngonde yamuciwana mu mwaka uje vene, omo njala ya lyangengela yapwile yakama manene mu nganda, ngeci vanu kuvakele na vyakulya,

Mbimbi 3:12

Wananele vuta vwendi vwa lusipa ngeci njipwe cimango ca mikili yendi.

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

Ezekiyele 4:16

Co wendekele ngwendi, “Muna munu, njitepulula ku makende a Yelusalema. Vanu va mu Yelusalema vakapeselesa vyakulya vije vakalya na mema aje vakanwa.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.