Ezekiyele 5:15 - Livulu lya Shukulu Kalunga

¹⁵ “Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ezekiyele 5:15 Iomraidhean Croise

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

2 Mizimbu 29:8

Omwo a cuma eci mukemwo Shukulu Kalunga naluvala na Yunda na Yelusalema, co cije calingile kuli vakevo cakasamesele nakuzivisa lyova munu woshe. Yeni mwazivuka mwamuvwa eci.

Myaso 39:11

Yove ukahisi vuvi vwa munu akumwendekela, co ukanyongesa vufuko vwendi ngwe mwakavunyongesa kanembulu. Mwa vushunga munu napu wangoco ngwe lihunzi!

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Njelemiya 23:40

Njikavazivisa shwamwa nakushauka vije naumo wai akacivala ku myaka yoshe.”

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Mbimbi 2:16

Vitozi vove voshe valinakukushendumuna nakukukenga na cizindo. Valishumanga ku tunwa nakulipembula ngwavo, “Tunainyongesa! Eli likelyo litangwa twavandamenene!”

Ezekiyele 11:9

Njikamitundisa mu nganda nakumyana ku mavoko a vangenzi. Njinamisompela kutsa,

Ezekiyele 14:8

Co njikamupopolola. Njikamulinga cimweso. Njikamutundisa ku munga ya vanu vange, ngeci ukazivuke ngwove yange njapwa Kalunga.

Ezekiyele 16:41

Vakenyeka vinjuvo vyove nakutava mbunga ya vanakazi kumona cihiso cove. Co njikakuvindika kupwa cikwizi, nakukuvindika lalo kwana vwana ku vikwizi vove.

Ezekiyele 16:57

simbu kanda vuvi vwove vuje vuwalingile vusholoke? Co ololo unafu ngwe ikeye, vaEndome na vaFilisitiya na vandambo vove veka vaje vakuzinda valinakukushendumuna.

Ezekiyele 22:4

Yove uli na mulonga omwo vanu vaje vawatsiile, nakulijwalesa na tumponya tuje tuwalingile, ngecivene, litangwa lyove lilinakwija, simbu inete. Mukemwo njinatava miyati yoshe vakushendumune, na mafuti oshe vakuyeluwise.

Ezekiyele 23:32

Shukulu Kalunga wa Akamwa ya Vyoshe alinakwendeka ngwendi, “Nove ukanwa ku nganja ya ndokazi yove, inapu nganja yakama yakulova. Munu woshe akakuyeluwisa nakukushendumuna, omwo nganja eyi inashulu na vyavingi.

Ezekiyele 25:17

Njikavanyanyamesa manene nakuvalinga shambandinga. Co vakaziva vukalu vwange. Asinoni vakazivuka ngeci yange njapwa Kalunga.”

Ezekiyele 30:19

Omo njikanyanyamesa Ingito mu ngila eyi vene, co vakazivuka ngeci yange njapwa Kalunga.”

Ezekiyele 5:16

Njikatepulula ku vyakulya vyeni, co mukalanduka ku njala ya lyangengela. Mukaziva muyavavala njala, ngwe vanamyasha mikili yakuvambuka mukuminyongesa.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

VaLevi 26:32

Co njikanyongesa lifuti lyeni lyoshe njwa, ngeci vitozi vaje vakakalamo vakalisimoke akuviya kwangacije.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.

Kwituluka mu Mashiko 28:46

Vikevyo vikapwa vizivukiso vya kusompa kwa Njambi ali yeni na vatekulwila veni ku myaka yoshe.