Ezekiyele 5:12 - Livulu lya Shukulu Kalunga

¹² Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:12 Iomraidhean Croise

Isaya 1:24

Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Njelemiya 13:24

Shukulu Kalunga akamishandola, ngwe lihunzi lya mu mambo lipekumuna vishati.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 15:2

Nga vakwihula ngwavo kulijo kuvanapande kuya, valeke ngwove yange Kalunga njinendeka ngwange, ‘Vaje vanapande kutsa ku mushongo, vatse vene ku mushongo! Vaje vanapande kutsa ku nzita, vanapande vene kutsa ku nzita! Vaje vanapande kulanduka ku njala ya lyangengela, vanapande vene kulanduka ku njala ya lyangengela! Vaje vanapande kuvatwala mu vunzinda, vanapande vene kuvatwala mu vunzinda!’ ”

Njelemiya 15:9

Cisemi wa munakazi akalezumuka, ceke ca mutanya cinapu lisusulungu, akumona vana vendi vatanu na vavali vanatsi. Njikatsiya munu woshe uje akasalao, Yange Kalunga, njinendekamo.”

Njelemiya 21:9

Woshe uje akala mu nganda vakamutsiila mu nzita nambe akalanduka ku njala, nambe akatsa ku mushongo. Oloni woshe uje atundamo, co akaliita kuli vaMbambilone vaje valinakulwisa nganda ololo, munu wa cifwa cangacije kuvakamutsii embwe, oloni akaputumukamo na mwonyo wendi.

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 42:22

Ngecivene, anukeni evi, mukatsila mu nzita nambe kulanduka ku njala ya lyangengela, nambe kutsa ku mushongo mu lifuti muje mushaka kuya nakukakalamo.”

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 9:15

Ngecivene, tolilileni cinjikalinga yange Kalunga Muka-nzili yoshe, Njambi ya Isalele, njikalisa vanu vange vyakulya vyakulula nakuvanwisa mwaze.

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Ezekiyele 12:14

Co njikashandwela mu mitambela yoshe vanu voshe va mu mbanja yendi vaka-kumunangula na vaka-kumunyunga, co vanu vakavashakezeka ngeci vavatsiye.

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:19

“Nambe nga njituma mushongo wakulitambwisa a lifuti lije, co kuluvala kwange kukatsiya myonyo ya vanu vavangi, kutsiya vanu na tusitu,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 16:42

Asinoni vukalu vwange vukahwa, njikoloka kuluu. Kunjikaluvala lalo nambe kulinga lifuwa.

Ezekiyele 21:22

Ku livoko lyendi lya cilyo nakwata mukili wakusoneka ngwavo ‘Yelusalema.’ Uje mukili umuleka kuya nakwaka vyuma vimo vyakulikwasesa kuwisa civumbe mu mwela yavyo, nakutambeka mutambi wa nzita, nakwaka vyuma vimo vyakulikwasesa kuwisa civumbe kuyehi na vikolo, nakulinga mikinya ya livu kuzengeleka cimpaka, nakwinda tupila.

Ezekiyele 24:13

Yove Yelusalema, vilinga vyove vya vupangala vinakujwalesa. Nameme njesekele kukujelesa, anga vene wajwalele. Yove kuukajele lalo kuvanga noo unazivi vukalu vwange.

Ezekiyele 33:27

“Valeke ngwove yange Kalunga wa Akamwa ya Vyoshe, njivanangula ngwange akupwa nji Njambi wakuyoya, vanu vaje valinakuyoya mu vinganda vije vinasiwuka vakavatsiya. Vaje valinakuyoya mu lifuti vakaliwa ku vikashama. Co vaje valinakuvanda ku minkinda na mu manzenzengoma vakatsa ku mushongo.

Ezekiyele 36:19

Njavahisile omwo akuyoya kwavo kwakuvi, na vilinga vyavo vyavivi, co njavashandwelele akati ka miyati yeka.

Ezekiyele 43:8

Vimyene vatungile vipamba na vivuliko vya vinganda vyavo kushungama na vipamba na vivuliko vya Njuvo yange, ngeci civumbe lika catwangunwine akati ketu. Vashawile lizina lyange lyakujela akulinga vyuma vyoshe vya vunyengwe, cooni mu vukalu vwange njavanyongesele.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Ezekiyele 6:8

“Oloni njikecela vamo vakayoye, co njikavashandwela akati ka miyati,

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.

Ezekiyele 7:3

“Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 9:4

Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Kwituluka mu Mashiko 28:65

Akati ka miyati ije kumukawana kwoloka, kukwesi mutambela umo uvakatumbula ngwavo unapu weni wai. Oloni Shukulu Kalunga akamyana vimbunge vyakujakama, kujeneka kumbako mbunge, nakuzeya kwakama.

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.