Ezekiyele 5:11 - Livulu lya Shukulu Kalunga

¹¹ “Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 5:11 Iomraidhean Croise

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 23:12

Mwene Yosiya wasiwile mitula ije ivatungile vimyene va mu Yunda akamwa ya mulili wa kwilu wa lipela lya Mwene Ahaze, amolika na mitula ije yatungile Mwene Manase mu mitambela ivali ya vimbanja vya mu Njuvo ya Shukulu Kalunga. Wasiwile ije mitula nakuyivujula, co likungu lyayo walyumbilile mu Cana ca Kindelone.

2 Mizimbu 33:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi kukekwo kuvakamulemesela myaka yoshe.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Yombi 27:22

co Njambi akavasha kwa mema ku mbunge, omo vashaka ngeci vatewe kuli ikeye.

Myaso 107:39

Omo vitozi va vanu va Njambi vavafungulwile, co vavayandesele.

Myaso 95:11

Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo.’ ”

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Ezekiyele 11:18

Omo vakeluka, vakatundisa vyoshe vije vyakujwala na tumponya va vunyengwe vaje vakawana.

Ezekiyele 11:21

Oloni njikanyanyamesa lika vanu vaje vazema kulemesa vyakujwala, na tumponya twa vunyengwe. Njikavanyanyamesa omwo vije vivanalingi.” Shukulu Kalunga wa Akamwa ya Vyoshe, nendekamo.

Ezekiyele 23:28

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Yange njikakukundika ku mavoko a vanu vaje vawazinda nakwenukwa.

Ezekiyele 23:38

Co evi kesi vikevyo lika vivalingile embwe. Vajwalesele Njuvo yange, nakushaula Litangwa Lyakuhwima lije njemikile.

Ezekiyele 23:39

A litangwa lije vene vatsiile vana vange nakuvakombelela ku tumponya, likelyo litangwa vezile ku Njuvo yange nakuyijwalesa!

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 29:15

Vakakala na vumwene vwakuzeya manene, co kuvakashwana lalo miyati. Njikavapwisa va lutsimo ngeci kesi vase kusindiya miyati yeka kulinga cizango cavo.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 43:8

Vimyene vatungile vipamba na vivuliko vya vinganda vyavo kushungama na vipamba na vivuliko vya Njuvo yange, ngeci civumbe lika catwangunwine akati ketu. Vashawile lizina lyange lyakujela akulinga vyuma vyoshe vya vunyengwe, cooni mu vukalu vwange njavanyongesele.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 5:7

Ololo Yelusalema, tolilila ku vije vinjendeka yange Kalunga wa Akamwa ya Vyoshe. Munalikokela tuyando twakama akujeneka kwononoka mashiko ange, nambe kunyunga vizilika vyange, kutuvakana miyati ije inamizengeleka. Munakava futisi ya miyati yeka.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ezekiyele 8:15

Ikeye wehwile ngwendi, “Muna munu, unamono evi ndi? Ukamona vyuma vya vunyengwe manene.”

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Ezekiyele 9:5

Co njazivile Njambi endeka lalo kuli vaje vanalume vakwavo ngwendi, “Mukaveni mu nganda, co tsiyeni. Kesi musezeo munu, kesi muzivileo munu umo mema ku mbunge.

VaLevi 15:31

Co Shukulu Kalunga walekele Mosesa kunangula vanu va Isalele akujeneka kujela kwavo, ngeci kesi vajwalese Mbalaka Mwakuliwanena nendi, ije ili akati kavo. Nga vakacilinga, co vakatsa.

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.

Zakaliya 11:6

(Shukulu Kalunga wendekele ngwendi, “Kunjikatetela lalo munu ano asi naumo wai. Oloni njikaka vanu voshe mu mavoko a vaka-kushwana. Co vaka-kushwana vaje vakaviisa asi, co kunjikaamena ku mavoko avo.”)

Malakiya 3:17

Shukulu Kalunga Muka-nzili yoshe nendeka ngwendi, “Vakapwa vanu vange. A litangwa lije omo njikalinga, vakevo vakapwa vanu vange. Njikavazivila mema ku mbunge ngwe cisemi azivila mema ku mbunge munendi uje amupangela.

Loma 11:12

Vuvi vwa vaYunda vwanenele vivezikiso vyakama mu kaye, co kuutwa kwavo kwa mu munzinzime kwanenele vivezikiso vyakama kuli vaje kesi vaYunda. Ngecivene, vikapwa vatijo vivezikiso vyakama manene omo vungi vwa vaYunda vanavawezelela!

Loma 11:21

Omwo nga Njambi katetelele vaYunda, vaje vanalifu ngwe minango ya cisemwa, muyongola ngweni akamitetela ndi?

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

VaHevelu 6:13

Omo Njambi walingile cikulaeso cendi kuli Avilahama, walisingile kulinga cije cakulaesele. Omwo kukwakele lalo weka wakumuhyana, wapangesele lizina lyendi vavenya omo walisingile cisingo cendi.