Ezekiyele 5:10 - Livulu lya Shukulu Kalunga

¹⁰ Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 5:10 Iomraidhean Croise

2 Vimyene 6:29

Ngecivene, twatelekele munange, co twalile. Alikaki njamulekele ngwange anene munendi tulye, kuma ikeye namushweke laja!”

Nehemiya 1:8

Anuka lijwi lije liwashikile ngamba yove Mosesa ngwove, ‘Nga muvulumuna, co njikamishandwela akati ka vanu va miyati yeka.

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 9:20

Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 19:9

Vitozi vakazengeleka nganda kweseka kutsiya vanu vamwo. Co kuzengeleka kuje kukapwa kwakukomokesa ngeci vanu va mukati ka nganda, munu akalya munu mukwavo, nameme vana vavo vavenya.’ ”

Njelemiya 44:12

Ngwe ali vanu va mu Yunda vaje vanasala, vaje vali na cizango cakuya nakukakala ku Ingito, voshe njikavanyongesa, vanike na vakulunu voshe, vakatsila mu Ingito, mu nzita, nambe ku njala ya lyangengela. Vakapwa vanu va vunyengwe, vanu va mafuti eka vakavashendumuna, co lizina lyavo likapwa cisingo.

Njelemiya 49:32

“Ambateni tumelo twavo, na vimuna vavo voshe! Njikashandwela mu mitambela mwoshe vanu vaje vanateula vin̄ambu vyavo, njikanena tuyando twakama ali vakevo ku mitambela yoshe.

Njelemiya 49:36

Njikatuma vitozi kutunda ku mitambela yoshe kulwisa Elame, co njikashandwela vanu vendi ku mitambela yoshe, noo mafuti oshe akashula na vanu vakutunda ku Elame.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 4:10

Tuyando twakama tuje twezile ali vanu vange twavanenelele tuyando twakukomokesa, visemi va vanakazi vatelekele vana vavo kupwa vyakulya vyavo.

Mbimbi 4:16

Shukulu Kalunga kombileko mbunge lalo kuli vakevo, ikeye vavenya wavashandwele. Kasingimikile nameme vaka-kukombelela vetu, nambe vantwama vetu.

Mbimbi 4:3

Nameme vaina ya vana va vimbanje akalele mwamuvwa vana vendi, oloni vanu vange vanapu ngwe vanavilanda, vali na muuka kuli vana vavo.

Ezekiyele 12:14

Co njikashandwela mu mitambela yoshe vanu voshe va mu mbanja yendi vaka-kumunangula na vaka-kumunyunga, co vanu vakavashakezeka ngeci vavatsiye.

Ezekiyele 12:15

“Omo njikavashandwela akati ka miyati ya vanu veka na mu mafuti eka, co vakazivuka ngeci kuma yange Kalunga.

Ezekiyele 17:21

Mashwalale vendi va nzili vakavatsiila mu nzita, co vaje vakasalao vakalishandokela mu mitambela yoshe. Asinoni mukazivuka ngeci yange Kalunga, njinendekamo.”

Ezekiyele 20:23

Ngecivene, njalikumiiye lalo cikumiiyo cikwavo mu mambo. Njalisingile ngeci njikavashandwela mu kaye mwoshe.

Ezekiyele 22:15

Njikashandwela vanu vove ku mafuti oshe na ku miyati yoshe, co njikamanesa vilinga vyove vya kupenga-penga.

Ezekiyele 36:19

Njavahisile omwo akuyoya kwavo kwakuvi, na vilinga vyavo vyavivi, co njavashandwelele akati ka miyati yeka.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Ezekiyele 6:8

“Oloni njikecela vamo vakayoye, co njikavashandwela akati ka miyati,

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

VaLevi 26:29

Njala ikaama manene, co mukalya vana veni.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.