Ezekiyele 48:8 - Livulu lya Shukulu Kalunga

⁸ Mutambela wa lifuti umo vanapande kuwaka kumukulo. Upwe makilomita likumi na avali na litambelo mu vwihi kutunda ku kunto nakweta mu mbwela, co vulaja vukapwe mumo kutunda mu ngangela nakweta mu kangombe ka yambi, kupwa mutambela wakwana ku miyati. Co Njuvo ya Shukulu Kalunga ikakale mu mutambela ou.

Ezekiyele 48:8 Iomraidhean Croise

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Ezekiyele 48:21

Co livu lili ku mutambela wa mu ngangela na mu kangombe ka yambi likapwe lya muka-kushwana mu Isalele. Livu lyendi liketa ku ngangela ya Ndonga ya Yondau na mu kangombe ka yambi ka Lishali lya Menditelenyani. Akati ka lifuti lyendi akakale lifuti lyange lyakujela, na Njuvo ya Shukulu Kalunga,

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Ezekiyele 48:9

Mukati ka mutambela ou, mutambela wakwangula wa makilomita likumi na avali na litambelo mu vulaja, na makilomita likumi mu vwihi vakaukundike kuli Shukulu Kalunga.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.

Kujombolola 22:3

Kumukakala lalo cuma cakusinga mu nganda ije embwe. Litanda lya Njambi na lya Muna Manga likakala muje mu nganda, co vangamba vendi vakamulemesa.