Ezekiyele 48:14 - Livulu lya Shukulu Kalunga

¹⁴ Mutambela wakukundika kuli Shukulu Kalunga wapwa mutambela wauvwa manene mu lifuti lyoshe, co naumo wai asa kuulandesa nambe kuulandakana nambe kuunungulwila kuli munu weka embwe. Wapwa wakujela, co wakundama kuli Shukulu Kalunga.

Ezekiyele 48:14 Iomraidhean Croise

Kutuuka 22:29

“Kesi mwishwale kulambula kuli yange milambu ya vyakulya vyeni, na vimbuto vyeni, na vinyu vyeni, na mazi eni a olive, omo simbu ya kuteja inete. “Aneni vana veni va va ntwatwa va vanalume kuli yange.

Kutuuka 23:19

“Mukanena vimbuto vije mwateje akulivanga ku njuvo ya Shukulu Kalunga Njambi yeni a mwaka na mwaka. “Kesi mukateleke muna manga nambe muna membe na mavele a vainavo embwe.

Ezekiyele 48:12

Ngecivene, vakakale na mutambela wakwangula, wakwata ku mutambela uje wa vaLevi, co woshe ukapwe wakujela manene.

Ezekiyele 48:13

VaLevi lalo vakakale na mutambela wakwangula, mutambela wa mu mbwela ya mutambela wa vaka-kukombelela. Na ukewo lalo upwe makilomita likumi na avali na litambelo kutunda ku mutambela wa mu ngangela nakweta ku mutambela wa mu kangombe ka yambi, na makilomita atanu kutunda ku kunto nakweta mu mbwela.

VaLevi 23:20

Co muka-kukombelela akavitwala amo na makende a vimbuto vyakulivanga vije vanatejele, kupwa mulambu kuli Shukulu Kalunga, amo na vaje vana va vimanga vavali. Milambu eyi inapu yakujela kuli Shukulu Kalunga, ikapwa ya muka-kukombelela.

VaLevi 25:32

Nameme ngoco, vaLevi vali na moko yakukula vufuko vwavo oshe avavushakela, mu vinganda vyavo vya vaLevi.

VaLevi 25:34

Oloni mitambela ije yazengeleka vinganda vya vaLevi yakulila vimuna vavo kesi vakailandese, yapwa vufuko vwavo ku myaka yoshe.”

VaLevi 27:28

“Naumo wai akalandesa nambe kupatula vije vanakundikilila kuli Shukulu Kalunga, nambe munu, nambe kasitu, nambe livu. Evi vyapwa vya Shukulu Kalunga ku myaka yoshe.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.