Ezekiyele 48:13 - Livulu lya Shukulu Kalunga

¹³ VaLevi lalo vakakale na mutambela wakwangula, mutambela wa mu mbwela ya mutambela wa vaka-kukombelela. Na ukewo lalo upwe makilomita likumi na avali na litambelo kutunda ku mutambela wa mu ngangela nakweta ku mutambela wa mu kangombe ka yambi, na makilomita atanu kutunda ku kunto nakweta mu mbwela.

Ezekiyele 48:13 Iomraidhean Croise

Kutuuka 23:19

“Mukanena vimbuto vije mwateje akulivanga ku njuvo ya Shukulu Kalunga Njambi yeni a mwaka na mwaka. “Kesi mukateleke muna manga nambe muna membe na mavele a vainavo embwe.

Ezekiyele 45:3

Co litambelo lya mutambela ou, setekenimo mutambela wakupwa makilomita likumi na avali mu vulaja, co lalo makilomita atanu mu vwihi, co mutambela ou akeo akakala Njuvo ya Shukulu Kalunga, mwela wakujela kutuvakana myela yoshe.

Ezekiyele 45:5

Litambelo lya mutambela ukwavo vakalyangununa kupwa vufuko vwa vaLevi, vaje vakapanga vipangi mu Njuvo ya Shukulu Kalunga. Co mukakala vinganda muje muvakakala.

Ezekiyele 48:12

Ngecivene, vakakale na mutambela wakwangula, wakwata ku mutambela uje wa vaLevi, co woshe ukapwe wakujela manene.

Ezekiyele 48:14

Mutambela wakukundika kuli Shukulu Kalunga wapwa mutambela wauvwa manene mu lifuti lyoshe, co naumo wai asa kuulandesa nambe kuulandakana nambe kuunungulwila kuli munu weka embwe. Wapwa wakujela, co wakundama kuli Shukulu Kalunga.

VaLevi 25:34

Oloni mitambela ije yazengeleka vinganda vya vaLevi yakulila vimuna vavo kesi vakailandese, yapwa vufuko vwavo ku myaka yoshe.”

Luka 10:7

Kaleni mu njuvo ije vene, lyeni nakunwa vyoshe vije vivakamyana, omwo muka-kupanga napande kutambula fweto yendi. Kesi mukendangane kutunda ku njuvo imo kuya ku njuvo ikwavo embwe.

Kwituluka mu Mashiko 12:19

Ngecivene, nyanyameni kesi mukevale vaLevi simbu yoshe ije mukakala mu lifuti lyeni.