Ezekiyele 47:9 - Livulu lya Shukulu Kalunga

⁹ Kwoshe kuje kwashelumukile mema, kwakala miyati yoshe ya tusitu na visi. Muna ndonga uje akatengulula mema a mu Lishali lya Kutsa kupwa amavwa, kwoshe kuje kuwakai aje mema, akanena mwonyo.

Ezekiyele 47:9 Iomraidhean Croise

Myaso 103:3

Ikeye muka-kunjisambesa ku vivi vyange vyoshe, nakukangwisa mishongo yange yoshe.

Myaso 78:16

Ku limanya kwatundile muna ndonga co mema etile ngwe vindonga.

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Isaya 12:3

Ngwe omo mema akutonola akanene kujolela kuli uje ali na lihwila, ngecivene, vanu va Njambi vajolela omo avamena.”

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Vilinga vya Miluwa 2:41

Vavangi vavo vakulaelele muzimbu wa Petulu, co vavambwitikile, ku litangwa lije vawezeleleleko vanu vakupwa 3,000 ku mbunga ya vaka-kukulaela.

Vilinga vya Miluwa 2:47

nakushangazala Njambi, nakuvashangazala ku vanu voshe. Co Mwene wawezeleleleko a litangwa na litangwa ku mbunga yavo vanu vaje vakele nakwovoka.

Vilinga vya Miluwa 21:20

Co omo vazivile evi, voshe vashangazalele Njambi. Co vendekele ngwavo, “Ndolome yetu Paulu, wasa kumona vaYunda vavangi-vangi vanapu vaka-kukulaela ololo, co vakevo lalo vanalikutiiya ku Lishiko.

Vilinga vya Miluwa 4:4

Oloni vavangi vaje vazivile lijwi vakulaelele, co vungi vwa vanalume vapwile 5,000.

Vilinga vya Miluwa 5:14

Co vanu vavangi manene valikumbasanene ku mbunga yavo, mbunga ya vanakazi na vanalume vaje vakulaelele kuli Mwene.

Vilinga vya Miluwa 6:7

Co lijwi lya Njambi lyashandokele. Co vungi vwa vandongisi mu Yelusalema vapwile vavangi, co mbunga yakama ya vaka-kukombelela vakulaelele.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.