Ezekiyele 47:19 - Livulu lya Shukulu Kalunga

¹⁹ “Co nginga ya mu mbwela ya mu kangombe ka yambi ikatunda ku Tamale nakweta ku mema a Melimba mu Kandeshe, asinoni iketa ku kunto ya mu kangombe ka yambi ku nginga ya Ingito nakweta ku Lishali lya Menditelenyani.

Ezekiyele 47:19 Iomraidhean Croise

1 Vimyene 8:65

Co Solomoni na vanu voshe va Isalele valingile Ciwano ca Mapapela a matangwa atanu na avali

1 Vimyene 9:18

na Mbalate, na Tamale mu mambo ya Yunda,

2 Mizimbu 20:2

Co miluwa vamo vezile nakuleka Mwene Njosefati ngwavo, “Mbunga ya mashwalale vavangi, vanatundu ku Endome ku mutambela wa Lishali lya Mwongwa vanaija nakukulwisa. Co vanafungulula laja Hazazone Tamale.” (Ikeyo Engendi.)

Myaso 81:7

Omo mwakele mu tuyando mwatambekele kuli yange, co njamyamenene, njamikumbulwile mu lishelwa lyakuluma, co njamyesekele ku masima a tuvwelu-vwelu a ku Meliva.

Isaya 27:12

A litangwa lije, kutunda ku Ndonga ya Yufuleti nakweta ku nginga ya Ingito, Shukulu Kalunga akakungulula vanu vendi umo na umo, ngwe munu aangununa tiliku ku lijungu.

Ezekiyele 47:10

Kutunda ku Engendi nakweta ku Enengelaime, kwakala vaka-kuta visi ku ngenge ya mema a kalunga, co vakajangumuna manimbwa avo nakuwashanda. Kukakala visi va miyati-yati yaingi ngwe vaje vakala mu Lishali lya Menditelenyani.

Ezekiyele 47:15

“Nginga ya ku kunto ikaya mu ngangela kutunda ku Lishali lya Menditelenyani nakweta ku nganda ya Hetelone, kutwala ku Ngila ya Hamate, na ku nganda ya Zendande,

Ezekiyele 48:28

Ku mutambela wa mu mbwela ya mu mutambela uje vaanene ku muyati wa Ngande, nginga yakengeselele mu mbwela ya kangombe ka yambi kutunda ku Tamale nakweta ku mema a Kandeshe, na ku kunto ya kangombe ka yambi lalo kushwangesa nginga ya Ingito kweta ku Lishali lya Menditelenyani.

Kulava 20:1

Ku ngonde yakulivanga mbunga yoshe ya vanu va Isalele vetele ku mambo ya Zine, co vatungile cilombo ku Kandeshe. Kuje kwatsililile Milyamu, co vamutsindile kuje vene.

Kulava 20:13

Evi vyalingiwile kuje ku Meliva, kuje vanu va Isalele valinyenyetele nakutengulukila Shukulu Kalunga, co kuje lalo Shukulu Kalunga walimwesele ngeci wapwa wakujela akati kavo.

Kulava 34:3

Nginga ya mu mbwela ikashangumukila mu mambo ya Zine, iketa kumukulo wa nginga ya Endome. Co ikashangumukila mu ngangela ku mutambela wa mu mbwela ku shongo ya Lishali lya Mwongwa.

Kulava 34:5

Co ikatengulukila lalo ku cana ku nginga ya Ingito, co ikahwila ku Lishali lya Menditelenyani.

Kwituluka mu Mashiko 32:51

omwo muvuvali vweni kumwanjikulaelele nakunjisingimika ku mesho a vanu va Isalele, omo mwakele ku mema a ku Meliva, kuyehi na nganda ya Kandeshe mu mambo ya Zine, kumwasingimikile kujela kwange ku mesho a vanu.

Kwituluka mu Mashiko 33:8

A muyati wa Levi Mosesa wendekele ngwendi, “Yove Shukulu Kalunga, sholola cizango cove, a Ulime na Tumime muli vangamba vove va kulongwa, vanu va Levi. Vaje vawesekele ku Masa, walizungile navo ku mema a ku Meliva.

Yoshwa 12:3

na Cana ca Yondau kutunda ku Lishali lya Ngalileya mu ngangela ya Mbete Njeshimote ku mbwela ya Lishali Lya Kutsa, co nginga yaile na ku vushelumukilo vwa Munkinda wa Pisenga.