Ezekiyele 47:13 - Livulu lya Shukulu Kalunga

¹³ Shukulu Kalunga wa Akamwa ya Vyoshe wendekele ngwendi, “Evi vikevyo vinginga vya mu lifuti vije vivakapangezela akati ka miyati likumi na ivali, co muyati wa Yosefa vakatambula mitambela ivali umo wa Manase ukwavo wa Efalime vana va Yosefa.

Ezekiyele 47:13 Iomraidhean Croise

Kushangumuka 48:5

Yakomba wendekele lalo ngwendi, “Yosefa, vana vove vavali, ava vawakitilile muno mu Ingito omo yange kanda njicete kuno, vanapu vange. Efalime na Manase vunene vanapu vana vange ngwe Luvena na Simyoni.

Kushangumuka 49:26

Vivezikiso vya vimbuto na vishani, vivezikiso vya minkinda yalaja vyuma vyakuvwaelelesa, vyakutunda ku malundu a ku myaka yoshe. Ngeci vivezikiso evi vikale ali Yosefa, uje waangukile kuli vandolome vendi.

1 Mizimbu 5:1

Ava vakevo vatekulwila va Luvena, ntwatwa ya Yakomba. (Omwo walalele na lishano lya ishe lya mbanja, co wazimbalesele moko yendi ya vu ntwatwa, co moko ya vu ntwatwa vwendi vayanene kuli Yosefa.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Ezekiyele 48:1

Awa akewo mazina a miyati. Kushangumukila ku nginga ya ku kunto, Ndani akatambula mutambela umo wa lifuti. Co liketa ku Hetelone ku Ngila ya Hamate na ku Hazale Enone kutunda ku tapalo ku nginga ya ku kunto ya Ndamasiku kuyehi na Hamate, kutunda ku nginga ya mu ngangela nakweta ku nginga ya mu kangombe ka yambi.

Ezekiyele 48:29

Co Shukulu Kalunga wa Akamwa ya Vyoshe wendekele ngwendi, “Omu mukemwo mumukapangela lifuti mu mitambela ku miyati ya Isalele kupwa vufuko vwavo.”

Kulava 34:1

Shukulu Kalunga wendekele kuli Mosesa ngwendi,

Yoshwa 16:4

Ngecivene, vatekulwila va Yosefa, miyati ya Efalime na litambelo lya muyati wa Manase wa mu Kangombe ka Yambi, vakevo vatambwile mutambela ou wa lifuti kupwa vushwana vwavo.

Yoshwa 17:1

Mutambela wa lifuti wa mu kangombe ka yambi ya Yondau vawanene ku litambelo lya muyati wa Manase muna Yosefa wa ntwatwa. Makile ishe ya Ngilyande, wapwile muna Manase wa ntwatwa, ikeye vamwanene mitambela ya Ngilyande, na Mbashane, mu ngangela ya Yondau, omwo naanga yendi yapwile ya vingenyenye.