Ezekiyele 47:1 - Livulu lya Shukulu Kalunga

¹ Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Ezekiyele 47:1 Iomraidhean Croise

Myaso 46:4

Kuyili ndonga ije ivwaelelesa nganda ya Njambi, ije ivwaelelesa mwela wakujela kuje kwakala wa Akamwa ya Akamwa.

Myaso 46:5

Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

Myaso 87:7

Voshe vaje vaimba nambe kukina, vakendeka ngwavo, “Mu Siyone mukemwo mwatunda vivezikiso vyetu vyoshe.”

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 30:25

A litangwa lije omo vimpaka vya vitozi vyeni vanavifungulula nakutsiya vanu vamwo, co ku munkinda woshe na ku lilundu lyoshe kukaita vana va vindonga.

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Ezekiyele 40:6

Asinoni waile ku cikolo cije cakukengesela mu ngangela. Walondelele a vindendelo kuya akamwa, co aje akamwa wasetekele mu vukovelelo, vwapwile mamita atatu kuya kwisi.

Ezekiyele 41:2

co mu vulaja yapwile mamita atanu, amo na vivumbe vya ku mutambela umo na umo vyapwile mamita avali na litambelo mu kuhima. Wasetekele mulili awo lika, wapwile mamita makumi avali mu vulaja, co mu vwihi wapwile mamita likumi.

Ezekiyele 46:24

Co uje munalume wanjilekele ngwendi, “Evi vikevyo vipiko muje vangamba va ku Njuvo ya Shukulu Kalunga vakatelelelamo vin̄ombelo vivakakombelela vanu.”

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”

Ezekiyele 47:2

Co uje munalume wanjituwisile anja ya Njuvo ya Shukulu Kalunga ku cikolo ca ku kunto, wanjizengulwisile ku cikolo cije cakengesele mu ngangela. Co kana kandonga kakandondo kakele nakutwala mema ku cikolo ca mu mbwela.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Zakaliya 14:4

A litangwa lije akemana a Munkinda wa Oliveta, mu ngangela ya Yelusalema. Asinoni Munkinda wa Oliveta ukatavuka akati kushangumuka mu ngangela kweta na mu kangombe ka yambi, co cimbongo cakama manene cikakala mukati. Co litambelo limo lya munkinda likashwenya ku kunto likwavo mu mbwela.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.