Ezekiyele 46:9 - Livulu lya Shukulu Kalunga

⁹ “Omo vanu vaija nakulemesa Shukulu Kalunga a ciwano coshe-icoshe, vaje vanakovelela ku cikolo ca ku kunto, vanapande kutuukila ku cikolo ca mu mbwela, omo vanamanesa kulemesa, co vaje lalo vanakovelela ku cikolo ca mu mbwela, vakatuukile ku cikolo ca ku kunto. Naumo wai akatuukila mu cikolo cije canakovelelele, oloni napande kutuukila ku cikolo ca mu cishunga.

Ezekiyele 46:9 Iomraidhean Croise

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Kutuuka 34:23

“Visimbu vitatu a mwaka, vanalume veni voshe vanapande kwija, nakunjilemesa yange Kalunga, Njambi ya vaIsalele.

Ezekiyele 1:12

Cikashama umo na umo wakengele mu mitambela yoshe iwana, co voshe muvuwana vwavo vasele kuya kwoshe-ikwoshe kuvashaka, kujeneka kutenguluka mivila yavo.

Ezekiyele 1:17

ngeci mavalo ase kwenda kuya ku mitambela yoshe iwana kujeneka kutenguluka.

Ezekiyele 36:38

Co vije vinganda vyanyongele, ololo vikapwa vyakushula vya vanu ngwe Yelusalema muyapwile laja yashulile na vimanga, vaje vavakombelelele ngwe n̄ombelo ya a litangwa lya ciwano. Asinoni vakazivuka ngeci yange njapwa Kalunga.”

Ezekiyele 40:24

Asinoni uje munalume wanjitwalele ku mutambela wa mu mbwela, co kuje twamwene cikolo cikwavo. Wacisetekele, co capwile mumo ngwe vije vikwavo.

Ezekiyele 44:24

Omo kukatuka vimata vya mulonga, co vaje vaka-kukombelela vayongole a mulonga kwesekesa na mashiko ange. Vanyunge viwano vyange kwesekesa ku mashiko ange na vilongesa vyange, co vanyunge Litangwa Lyakuhwima kupwa lyakujela.

Ezekiyele 8:14

Ngecivene, wanjitwalele ku cikolo ca ku kunto ca mu Njuvo ya Shukulu Kalunga, wanjimwesele vanakazi vakele nakulila kutsa kwa njambi Tamuze.

Mika 6:6

Vikajo vinjikatwala kuli Shukulu Kalunga Njambi wa mwilu, omo njiya nakumulemesa? Kuma njasa kutwala vana va vingombe vavavwa manene mukwenyeka kupwa vin̄ombelo kuli ikeye ndi?

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”