Ezekiyele 45:18 - Livulu lya Shukulu Kalunga

¹⁸ Shukulu Kalunga wa Akamwa ya Vyoshe wendekele ngwendi, “A litangwa lyakulivanga ku ngonde yakulivanga, mukakombelele ngombe wa nkomba wakujeneka kapenga, co mukajelesa Njuvo yange.

Ezekiyele 45:18 Iomraidhean Croise

Kutuuka 12:2

“Ngonde eyi ikapwa ngonde yakulivanga a mwaka kuli yeni.

Kutuuka 40:2

“A litangwa lyakulivanga ku ngonde yakulivanga, shimbika Mbalaka Mwakuliwanena.

Ezekiyele 43:19

Co vaka-kukombelela va ku muyati wa Levi, vaje vatunda kuli Zandoke vakevo lika vakaija ku mesho ange nakunjipangela. Yange Kalunga wa Akamwa ya Vyoshe, njashiki evi. Ukana vaka-kukombelela muna ngombe wa nkomba kupwa n̄ombelo ya a vuvi.

Ezekiyele 43:20

Ukanonako maninga amo, co ukaakwita akamwa ya vyakushongomoka vije vili mu vimbango viwana vya mutula, na mu vimbango vya mutula, na mu vimbango vya mukati ka mutula, na ku shongo yawo yoshe. Mu ngila eyi vene, ukajelesa mutula nakuwambesa.

Ezekiyele 43:22

Co alikaki ukambata lijamba lya membe uje wakujeneka kapenga, co mukombelele kupwa n̄ombelo ya a vuvi. Jelesa mutula na maninga endi mu ngila imo vene ngwe muwalingile na ngombe wa nkomba.

Ezekiyele 43:23

Omo unamanesa kulinga ngacije, ambata muna ngombe wa nkomba, na muna manga wa lijamba, voshe vakujeneka kapenga,

Ezekiyele 43:26

A matangwa atanu na avali, vaka-kukombelela vakajelesa mutula, nakuuvwaesa ngeci vaupangese.

Ezekiyele 45:20

A litangwa lyamucitanu na avali ku ngonde ije vene, mukalinga cuma cimo kwimanena munu na munu uje alinga vuvi kesi na cizango, nambe alinga vuvi omwo kazivukile. Mu ngila eyi vene Njuvo yange ikapwa yakujela.

Ezekiyele 46:1

Shukulu Kalunga wa Akamwa ya Vyoshe alinakwendeka ngwendi, “Cikolo ca mu ngangela, ca cipango ca mbanja ya mukati vanapande kucishoka a matangwa atanu na limo akupanga vipangi, oloni vacishokolole lika a Litangwa Lyakuhwima na a Ciwano ca Ngonde Yaiha.

VaLevi 16:16

Mu ngila eyi akaambesa Mwela Wakujela Manene omwo yakujeneka kujela kwa vanu va Isalele nomwo vivulumuna vyavo vyoshe, na vuvi vwavo vwoshe. Ikeye napande kulingila evi kuje ku Mbalaka, omwo ikeyo yemana mukati ka cilombo cije kucajelele.

VaLevi 16:33

Co akaambesa Mwela Wakujela Manene, na Mbalaka Mwakuliwanena, na mutula, na vaka-kukombelela amo na mbunga yoshe ya vanu va Isalele.

VaLevi 22:20

Nga akakombelela cimuna uje ali na kapenga, co Shukulu Kalunga kakamutambula.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.