Ezekiyele 44:9 - Livulu lya Shukulu Kalunga

⁹ “Yange Kalunga wa Akamwa ya Vyoshe, njinendeka ngwange naumo wai muka-kwija wakujeneka kutuuka, nambe wakujeneka kunjononoka, akakovela mu Njuvo yange, nambe vene muka-kwija uje alinakukala akati ka vanu va Isalele.”

Ezekiyele 44:9 Iomraidhean Croise

Myaso 24:3

Veyajo vakalamata ku lilundu lya Shukulu Kalunga? Veyajo vanapande kwimana mu Njuvo yendi yakujela?

Myaso 50:16

Oloni Njambi alinakwendeka kuli muka-vuvi ngwendi, “Omwo vikajo wambulwila vizilika vyange? Nambe kutumbula cikumiiyo cange na kanwa kove?

Myaso 93:5

Shukulu Kalunga, mashiko ove akala ku myaka yoshe, mwa vushunga Njuvo yove yapwa yakujela ku myaka yoshe.

Kutuuka 12:48

oloni kukwesi munu wakujeneka kutuuka akalyako. Nga muka-kwija natungu akati keni ashaka kulisamba a Ciwano ca Pasovala mukulemesa Shukulu Kalunga, co munapande akulivanga kumutuula na vanalume voshe va ku njuvo yendi. Asinoni mukamupangesa ngwe umo wa vaIsalele, co akakala amo neni mu ciwano.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

VaLevi 26:41

ngeci njaluvalele nakuvatengulukila nakuvashekela ku vundungo mu lifuti lya vitozi vavo. Cooni nga vatekulwila veni valitavela mulonga wa vuvi vwavo, co vashangumuka kukala mwamuvwa,

Zakaliya 14:21

Vindeo vyoshe vya mu Yelusalema na mu Yunda mwoshe vakavyangunwina kwavyo lika nakuvipangesa mukulemesa Shukulu Kalunga Muka-nzili yoshe. Co vanu vaje vakombelela vin̄ombelo vakavipangesa akutelekamo situ yakukombelela. Omo simbu ije iketa, kukukakala muka-kulandesa mu Njuvo ya Shukulu Kalunga Muka-nzili yoshe.

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Kwituluka mu Mashiko 23:4

Omwo vavyanene kumyanako vyakulya na mema mu vungenzi vweni vwakutunda ku Ingito. Co lalo valanyele Mbalame muna Mbeole, uje watundile ku nganda ya Petole mu Mesopotamya, nakumisinga.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.