Ezekiyele 44:7 - Livulu lya Shukulu Kalunga

⁷ Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 44:7 Iomraidhean Croise

Kushangumuka 17:14

Munalume woshe uje katuukile, kuvakamulava lalo kupwa umo wa vanu vange, omwo ikeye kanyungile cikumiiyo cange.”

Kutuuka 12:43

Co Shukulu Kalunga wendekele kuli Mosesa na Alone ngwendi, “Awa akewo mashiko aa Ciwano ca Pasovala. Kukwesi muka-kwija akalya ku vyakulya vya Ciwano ca Pasovala,

Kutuuka 12:48

oloni kukwesi munu wakujeneka kutuuka akalyako. Nga muka-kwija natungu akati keni ashaka kulisamba a Ciwano ca Pasovala mukulemesa Shukulu Kalunga, co munapande akulivanga kumutuula na vanalume voshe va ku njuvo yendi. Asinoni mukamupangesa ngwe umo wa vaIsalele, co akakala amo neni mu ciwano.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 9:25

Shukulu Kalunga alinakwendeka ngwendi, “Matangwa alinakwija omo njikanyanyamesa voshe vaje vanatuuka lika ku situ, oloni kesi ku mbunge,

Njelemiya 9:26

ngwe vanu va mu Ingito, na Yunda, na Endome, na Amoni, na Mowavi, na vanu voshe vaje vakala mu mambo vaje vanaliteula vin̄ambu vyavo. Omwo miyati ya vanu voshe ava vanatuuka lika ku situ, oloni kuvanyungile cikumiiyo cije cilumbununa cuma eci. Naumo wai wa ava vanu nanyungu cikumiiyo cange, nameme vanu va Isalele kuvanyungile cikumiiyo cange.”

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 44:9

“Yange Kalunga wa Akamwa ya Vyoshe, njinendeka ngwange naumo wai muka-kwija wakujeneka kutuuka, nambe wakujeneka kunjononoka, akakovela mu Njuvo yange, nambe vene muka-kwija uje alinakukala akati ka vanu va Isalele.”

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

VaLevi 17:11

Omwo mwonyo wa cuma coshe cakuyoya wakala mu maninga, eci cikeco cashikile Shukulu Kalunga ngeci maninga oshe vawetile ku mutula mukwambesa vuvi vwa vanu. Maninga akewo anapu mwonyo, co akewo akaambesa vuvi.

VaLevi 21:17

“Leka Alone ngwove, naumo wai wa ku vatekulwila vove ku visemwa vyove vyoshe vya kulutwe uje ali na vulema, akakombelela vin̄ombelo vya vyakulya kuli yange.

VaLevi 21:21

Kukwesi mutekulwila wa Alone muka-kukombelela, uje ali na vulema, akashwenya kuyehi nakukombelela vin̄ombelo vya vyakulya kuli Shukulu Kalunga Njambi yeni.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

VaLevi 22:25

“Kesi mukalambule vimuna vaje munatambula kuli vaka-kwija kupwa mulambu wa vyakulya, omwo vimuna vangacije kuvakavatambula embwe.”

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

VaLevi 26:41

ngeci njaluvalele nakuvatengulukila nakuvashekela ku vundungo mu lifuti lya vitozi vavo. Cooni nga vatekulwila veni valitavela mulonga wa vuvi vwavo, co vashangumuka kukala mwamuvwa,

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

Malakiya 2:4

Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Vilinga vya Miluwa 21:28

Co vatambekele ngwavo, “Eni vanalume va Isalele! Tukwaseniko! Ou ikeye munalume uje akai kwoshe-ikwoshe nakulongesa vanu voshe kulwisa vanu va Isalele na Lishiko lya Mosesa naino Njuvo ya Shukulu Kalunga. Co lalo ololo nanena vamo vaje kesi vaYunda muno mu Njuvo ya Shukulu Kalunga nakujwalesa ou mwela wakujela!”

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Kwituluka mu Mashiko 10:16

Ngecivene, kutunda ku litangwa lya lelo, pweni vaka-kwononoka kuli Shukulu Kalunga kesi mupwe vaka-kukaluwa vimbunge.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.