Ezekiyele 44:5 - Livulu lya Shukulu Kalunga

⁵ co Shukulu Kalunga wendekele kuli yange ngwendi, “Muna munu, aka mbunge ku vyuma vyoshe umona nakuziva. Njikuleka mashiko na vilongesa vyakwendesa Njuvo yange. Nongonona mwamuvwa vanu vaje vanapande kukovela nakutuuka mu Njuvo yange, na vanu vaje kuvatavesele.

Ezekiyele 44:5 Iomraidhean Croise

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

2 Mizimbu 11:16

Co miyati yoshe ya vanu va Isalele, vaje vashakele kulemesa mwamuvwa Shukulu Kalunga Njambi ya Isalele, vakavele vaLevi ku Yelusalema, ngeci vakakombelele vin̄ombelo kuli Shukulu Kalunga Njambi ya vakukulwila vavo.

Myaso 119:4

Yove unatwana mashiko ove Shukulu Kalunga, ngeci tuwononoke mwamuvwa.

Myaso 24:3

Veyajo vakalamata ku lilundu lya Shukulu Kalunga? Veyajo vanapande kwimana mu Njuvo yendi yakujela?

Kutuuka 9:21

Oloni vaje kuvombileko mbunge kukunangula kwa Shukulu Kalunga, vasezele vindungo vavo na vimuna vavo mushandangala yangoco.

Visimo 24:32

Omo njakengele cuma eci, njaciyongwele, co njalilongeseleleo,

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

Ezekiyele 42:9

Kushongo ya milili ya kwisi kwakele cikolo ku mutambela wa mu kangombe ka yambi cakukovela mu cipango ca mbanja ya anja.

Ezekiyele 46:19

Asinoni uje munalume wanjitwalele ku cikolo ca milili ije yakengesele ku kunto kuyehi na cikolo ca ku mutambela wa mu mbwela wa cipango ca mbanja ya mukati. Eyi yapwile milili yakujela ya vaka-kukombelela. Co ikeye wenikile mwela umo uje wakele mu kangombe ka yambi ka milili,

Ezekiyele 47:6

Co wendekele kuli yange ngwendi, “Muna munu, nongonona mwamuvwa vyuma evi.” Asinoni uje munalume wanjiilwisile ku ngenge ya ndonga,

Ndanyele 10:12

Asinoni wendekele ngwendi, “Ndanyele, kesi uzive lyova. Njambi nazivi malombelo ove kutunda a litangwa lyakulivanga lije wayongwele kulikeesa ngeci wase kuzivisisa. Yange njinaija mukukumbulula ku lilombelo lyove.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 32:46

co wendekele kuli vakevo ngwendi, “Mwa vushunga ononokeni mashiko oshe awa njinamilekawo ku litangwa lya lelo. Alongeseni vana veni, ngeci vakononoke na kulongwa vilongesa vyoshe vya Njambi.