Ezekiyele 44:15 - Livulu lya Shukulu Kalunga

¹⁵ Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 44:15 Iomraidhean Croise

2 Samwele 8:17

Zandoke muna Ahituve, na Ahimeleki muna Aviyatale vapwile vaka-kukombelela, co Selaya wapwile muka-kusoneka wa mu mbanja,

1 Vimyene 2:35

Co mwene wengisile Mbenaya kupwa muka-kushika nzita mu mwela wa Yowave, co wengisile lalo Zandoke kupwa muka-kukombelela mu mwela wa Aviyatale.

Njelemiya 33:18

co lalo simbu yoshe kukakala vaka-kukombelela va ku muyati wa Levi vaje vakanjipangela, nakukombelela vin̄ombelo vya kwenyeka, na vin̄ombelo vya vimbuto vya vinona.”

Ezekiyele 14:11

Njikalinga cuma eci mukunyunga vaIsalele kutewa vatunda kuli yange nakulijwalesa vakevo vavenya na vuvi vwavo. Vanapu vanu vange, nange njinapu Njambi yavo.” Mwanendeka Shukulu Kalunga wa Akamwa ya Vyoshe.

Ezekiyele 40:45

Co uje munalume wanjilekele ngwendi uje mulili wakengesele mu mbwela wapwile wa vaka-kukombelela vaje vapangele mu Njuvo ya Shukulu Kalunga,

Ezekiyele 40:46

co uje mulili wakengesele ku kunto wapwile wa vaka-kukombelela vaje vapangele ku mutula. Vaka-kukombelela vakutunda ku naanga ya Zandoke, vapwa muyati wa Levi lika, vaje vavanatavesa kupangela Shukulu Kalunga.

Ezekiyele 43:19

Co vaka-kukombelela va ku muyati wa Levi, vaje vatunda kuli Zandoke vakevo lika vakaija ku mesho ange nakunjipangela. Yange Kalunga wa Akamwa ya Vyoshe, njashiki evi. Ukana vaka-kukombelela muna ngombe wa nkomba kupwa n̄ombelo ya a vuvi.

Ezekiyele 44:10

Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 48:11

Ou mutambela wakujela upwe wa vaka-kukombelela vatekulwila va Zandoke. Vanjipangelele na kulongwa, co kuvalipandakanene na vakwavo vaIsalele mukulinga vuvi, ngwe muvalingile vanu va ku muyati wa Levi.

VaLevi 3:3

Asinoni ku mulambu wa kulitombola akatundiseko mazi kupwa mulambu wa vyakulya wakwenyekela kuli Shukulu Kalunga, mazi oshe a vya mwimo,

Kulava 16:5

Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi.

Kulava 18:5

Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Kujombolola 2:1

Kuli kangelo wa ku cikungulukilo ca mu Efeso soneka ngwove, “Eli likelyo lijwi lyatundu kuli uje nakwata vingongonosi vitanu na vivali mu livoko lyendi lya cilyo, uje alinakwendangana akati ka vitumbikilo vya vindeya vya ngolinde vitanu na vivali.

Kujombolola 2:12

“Kuli kangelo wa ku cikungulukilo ca mu Pelengamu soneka ngwove, “Eli likelyo lijwi lyatundu kuli uje ali na moko ya mukwale ya vuvela kuvali.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 3:22

“Nga uli na matwi, tolilila vije vyalinakwendeka Munzinzime ku vikungulukilo!”

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

1 Samwele 2:35

Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.