Ezekiyele 44:12 - Livulu lya Shukulu Kalunga

¹² Oloni omwo valingisile vanu va Isalele kulemesa tumponya, co mu ngila eyi vene vatwamenenene vanu mu vuvi, yange Kalunga wa Akamwa ya Vyoshe, njalikumiiya nakulisinga ngwange vanapande kuvanyanyamesa.

Ezekiyele 44:12 Iomraidhean Croise

Myaso 106:26

Ngecivene, Shukulu Kalunga walisingile nakwolola livoko lyendi, ngwendi vanapande kutsila mu mambo,

Isaya 9:16

Vaje vatwamenena vanu ava valinakuvongumuna nakuvazimbalesa.

Ezekiyele 20:15

Ngecivene, njalisingile muje mu mambo ngwange kunjikasa kuvatwala ku lifuti lije linjavanene, lifuti lya vufuko na vwilo, lifuti lyalivwa manene kutuvakana mafuti oshe.

Ezekiyele 20:23

Ngecivene, njalikumiiye lalo cikumiiyo cikwavo mu mambo. Njalisingile ngeci njikavashandwela mu kaye mwoshe.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

Ezekiyele 44:10

Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 44:13

Kuvasa kunjipangela kupwa vaka-kukombelela embwe, nambe kuya kuyehi na cuma cimo cije cakujela kuli yange, nambe kukovela mu Mwela Wakujela Manene. Oku kukekwo kunyanyamesa kwavo omwo vyuma vya vunyengwe vije vivanalingi.

Ezekiyele 48:11

Ou mutambela wakujela upwe wa vaka-kukombelela vatekulwila va Zandoke. Vanjipangelele na kulongwa, co kuvalipandakanene na vakwavo vaIsalele mukulinga vuvi, ngwe muvalingile vanu va ku muyati wa Levi.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.