Ezekiyele 44:10 - Livulu lya Shukulu Kalunga

¹⁰ Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 44:10 Iomraidhean Croise

Kushangumuka 4:13

Co Kaini wendekele kuli Shukulu Kalunga ngwendi, “Cihiso eci wanjana cacikalu manene kuli yange. Kunjicasa!

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Myaso 38:4

Omwo vuvi vwange vunanjihyana, cihiso cange cinanjihyana kutuvakana nzili yange.

Visimo 11:31

Vaka-vushunga vakawana cikandelela ano asi. Oloni mwa vushunga vaka-kupenga-penga, na vaka-vuvi, Njambi akavahisa.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Njelemiya 23:11

Shukulu Kalunga alinakwendeka ngwendi, “Vaka-kwimanena na vaka-kukombelela voshe kesi vaka-kunjikomoka, njinavawana valingila vuvi mu Njuvo yange.

Ezekiyele 14:11

Njikalinga cuma eci mukunyunga vaIsalele kutewa vatunda kuli yange nakulijwalesa vakevo vavenya na vuvi vwavo. Vanapu vanu vange, nange njinapu Njambi yavo.” Mwanendeka Shukulu Kalunga wa Akamwa ya Vyoshe.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 44:12

Oloni omwo valingisile vanu va Isalele kulemesa tumponya, co mu ngila eyi vene vatwamenenene vanu mu vuvi, yange Kalunga wa Akamwa ya Vyoshe, njalikumiiya nakulisinga ngwange vanapande kuvanyanyamesa.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 48:11

Ou mutambela wakujela upwe wa vaka-kukombelela vatekulwila va Zandoke. Vanjipangelele na kulongwa, co kuvalipandakanene na vakwavo vaIsalele mukulinga vuvi, ngwe muvalingile vanu va ku muyati wa Levi.

Hoziya 4:9

Ngecivene, vakaminyanyamesa ngeci mwa vanu voshe! Njikaminyanyamesa nakumiilwisila vuvi vuje mulinakulinga.

VaLevi 19:8

Munu woshe-iwoshe uje akayilya akakala na mulonga wakupangesa ngoco vije vanakundikile kuli yange, co kuvakamulava lalo kupwa munu wange embwe.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kulava 5:31

Co munalume akasamba ku vuvi vuje, oloni munakazi nga ali na mulonga, co ngongo yendi ikeye vavenya.”

1 Timateo 5:22

Kesi uzambule vwasi-vwasi kukambeka mavoko ali vanu mukuvakundika ku vipangi vya Mwene. Kesi ulipandakane mu vuvi vwa vanu veka, linyunge yove vavenya nakulijelesa.