Ezekiyele 43:8 - Livulu lya Shukulu Kalunga

⁸ Vimyene vatungile vipamba na vivuliko vya vinganda vyavo kushungama na vipamba na vivuliko vya Njuvo yange, ngeci civumbe lika catwangunwine akati ketu. Vashawile lizina lyange lyakujela akulinga vyuma vyoshe vya vunyengwe, cooni mu vukalu vwange njavanyongesele.

Ezekiyele 43:8 Iomraidhean Croise

2 Mizimbu 33:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi kukekwo kuvakamulemesela myaka yoshe.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

Kutuuka 12:7

Asinoni vanu vakanoneko amo maninga nakuwakwita a vivuliko vya vikolo na akamwa ya vipamba ku vinjuvo kuje kuvakalila vaje vimuna.

Ezekiyele 23:39

A litangwa lije vene vatsiile vana vange nakuvakombelela ku tumponya, likelyo litangwa vezile ku Njuvo yange nakuyijwalesa!

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Maako 19:27

Co munalume wendi wendukile mutondo, omo washokolwele ku lipito ngeci atuuke, co wawanene lishano lyendi lya mbanja anga nalala mu cikolo ca njuvo, mavoko endi anakwata a lipito.