Ezekiyele 43:2 - Livulu lya Shukulu Kalunga

² co kuje njamwene vumpau vwa Njambi ya Isalele vwatundililile mu ngangela. Co lijwi lya Njambi lyalumine ngwe cilumo ca mema a kalunga, co asi avyakumine na vumpau vwendi.

Ezekiyele 43:2 Iomraidhean Croise

Isaya 17:12

Miyati ya nzili yakama vali mu vukalu na muyoyo ngwe cikumo ca mema a kalunga, ngwe kungwanjanga kwakama kwa mankimba a mema a kalunga.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Ezekiyele 1:24

Njazivile muyoyo wa mambava avo omo vapululwile, wafwile ngwe kucuma kwa mema a kalunga, ngwe muyoyo wa mbunga ya mashwalale yakama, ngwe lijwi lya Njambi Muka-nzili yoshe. Omo valikelele kupulula, co vetekele mambava avo,

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Ezekiyele 10:4

Co vumpau vwa Shukulu Kalunga vwasholokele muli vaje vikashama, co vwezile ku cikolo ca Njuvo ya Shukulu Kalunga. Asinoni lije lishelwa lyashulisile Njuvo ya Shukulu Kalunga, co cije cipango cavyazimine na ceke.

Ezekiyele 11:22

Vikashama vakuyoya vashangumukile kupulula, na mavalo aile amo navo. Co vumpau vwa Njambi ya Isalele vwakele ali vakevo.

Ezekiyele 11:23

Asinoni vumpau vwa Shukulu Kalunga vwatundile a nganda, vwaile a munkinda wa mu ngangela.

Ezekiyele 3:23

Ngecivene, njaile ku cana, co kuje njamwene vumpau vwa Shukulu Kalunga ngwe vuje vunjamwene ku Ndonga ya KeVaLe Co njawililile asi na cihanga cange cakwatele mu livu,

Ezekiyele 43:4

Vumpau vwa Njambi vwetile mukati ka cikolo ca mu ngangela, co vwakovelele mu Njuvo ya Shukulu Kalunga.

Ezekiyele 44:2

co Shukulu kalunga wendekele kuli yange ngwendi, “Cikolo eci cikapwa cakushoka, naumo wai akacishokolola. Munu naumo wai ivakatavesa ngeci acipangese, omwo yange Kalunga, Njambi ya Isalele, njakovelelelemo. Cinapande kupwa cakushoka vene.

Ezekiyele 9:3

Co vumpau vwa Njambi ya Isalele vwatuukile ku vakelumbi, vwezile ku cikolo ca Njuvo ya Shukulu Kalunga. Co Shukulu Kalunga watambekele kuli munalume uje wazalele nanga ya linyu ngwendi,

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Hambakuke 3:3

Njambi alinakwija kutunda ku Endome, Njambi wakujela alinakwija kutunda ku malundu a Palane. Vumpau vwendi vwafwiki melu, co asi oshe anashulu nakumushangazala.

Hambakuke 3:4

Alinakwija nakuvyazima kwa muhyato, ceke cilinakuvyazima mu livoko lyendi, mukemwo mwavanda nzili yendi.

Yowano 12:41

Isaya wendekele vyuma evi omwo wamwene vumpau vwa Yesu nakumwambulula.

Kujombolola 1:15

mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.

Kujombolola 14:2

Co njazivile lijwi lyatundile mwilu lyakufwa ngwe kukuma kwa mema a cipupa, ngwe mikalateto ya muhyato wakama. Lyafwile ngwe mwaso uvalinakwimba vaka-kwimba a tulyalya twavo.

Kujombolola 18:1

Munima yevi njamwene kangelo watundile mwilu. Wakele na moko yakama, co asi a vyazimine na vumpau vwendi.

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 21:11

co yakele na vumpau vwa Njambi. Nganda ije yavyazimine ngwe limanya lya seo yakama, ngwe limanya lya njasipa, lyatokele to ngwe kilisitale.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.