Ezekiyele 43:19 - Livulu lya Shukulu Kalunga

¹⁹ Co vaka-kukombelela va ku muyati wa Levi, vaje vatunda kuli Zandoke vakevo lika vakaija ku mesho ange nakunjipangela. Yange Kalunga wa Akamwa ya Vyoshe, njashiki evi. Ukana vaka-kukombelela muna ngombe wa nkomba kupwa n̄ombelo ya a vuvi.

Ezekiyele 43:19 Iomraidhean Croise

1 Vimyene 2:27

Ngeci Solomoni watundisile Aviyatale mu vipangi vya vuka-kukombelela kuli Shukulu Kalunga, ngwe muje mwendekele Shukulu Kalunga ku Shilo ali Eli muka-kukombelela na vatekulwila vendi cipwe ca vushunga.

1 Vimyene 2:35

Co mwene wengisile Mbenaya kupwa muka-kushika nzita mu mwela wa Yowave, co wengisile lalo Zandoke kupwa muka-kukombelela mu mwela wa Aviyatale.

Isaya 61:6

Oloni yeni mukapwa vaka-kukombelela na vangamba va Shukulu Kalunga Njambi yetu. Vufuko vwa mafuti vukapwa vweni, na kulyalesa ngeci vunapu vweni.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Ezekiyele 40:46

co uje mulili wakengesele ku kunto wapwile wa vaka-kukombelela vaje vapangele ku mutula. Vaka-kukombelela vakutunda ku naanga ya Zandoke, vapwa muyati wa Levi lika, vaje vavanatavesa kupangela Shukulu Kalunga.

Ezekiyele 43:23

Omo unamanesa kulinga ngacije, ambata muna ngombe wa nkomba, na muna manga wa lijamba, voshe vakujeneka kapenga,

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 45:4

Ukapwa mutambela umo wakujela mu lifuti, uje vakangunwina vaka-kukombelela vaje vaka-kupangela Shukulu Kalunga mu Njuvo yendi. Mukakala lika vinjuvo vyavo na mutambela wa Njuvo ya Shukulu Kalunga.

Ezekiyele 48:11

Ou mutambela wakujela upwe wa vaka-kukombelela vatekulwila va Zandoke. Vanjipangelele na kulongwa, co kuvalipandakanene na vakwavo vaIsalele mukulinga vuvi, ngwe muvalingile vanu va ku muyati wa Levi.

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 16:5

Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi.

Kulava 18:5

Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.