Ezekiyele 43:10 - Livulu lya Shukulu Kalunga

¹⁰ Co Shukulu Kalunga wendekele lalo ngwendi, “Muna munu, leka vanu va Isalele a Njuvo yange, vanapande kuyongola vutumbe vwayo. Vazivise shwamwa a vilinga vyavo vyavivi.

Ezekiyele 43:10 Iomraidhean Croise

1 Mizimbu 28:11

Ndaviti waanene Solomoni vutumbe vwoshe vwakutunga Njuvo ya Shukulu Kalunga, na milili yakutulikila, na milili ikwavo, na Mwela Wakujela Manene, muje mwakusambesela vuvi.

1 Mizimbu 28:19

Mwene Ndaviti wendekele ngwendi, “Vyoshe evi vili mu vutumbe vuvasonekele ngwe ku mashiko aje anjanene vavenya Shukulu Kalunga ngeci njivilinge.”

Kutuuka 25:40

Co unapande kuvipanga ngwe ku vutumbe vuje njakumweselevwo a munkinda.

Ezekiyele 16:61

Asinoni ukanuka vije viwalingile, co ukaziva shwamwa omo njikelwisa ndokazi yove wa mukulunu na ndokazi yove wa shongo. Njikakwanavo ngeci vakapwe vana vove va vanakazi, oloni kesi ngwe ku cikumiiyo cove.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 28:12

“Muna munu, linyenge luvinda luje lukaija ali mwene wa ku Tile. Muleke evi vinjendeka yange Kalunga wa Akamwa ya Vyoshe ngwove, ‘Yove wapwile cimweso ca vushunga. Wapwile wa mana na vuvwa.

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

Ezekiyele 43:11

Ngecivene, nga vanazivi shwamwa a vije vivanalingi, co vanungulwile vutumbe vwa Njuvo yange, cifwa cayo, na vukovelelo na vutuukilo vwayo, na seteko yayo, na muje muvanavwaeselamo vyuma vyoshe, na mashiko ayo oshe namukwendesa vipangi. Vasonekele vyoshe evi ngeci vamone vyuma vyoshe muvanavivwaeselamo, nakunyunga mashiko oshe.

Ezekiyele 44:5

co Shukulu Kalunga wendekele kuli yange ngwendi, “Muna munu, aka mbunge ku vyuma vyoshe umona nakuziva. Njikuleka mashiko na vilongesa vyakwendesa Njuvo yange. Nongonona mwamuvwa vanu vaje vanapande kukovela nakutuuka mu Njuvo yange, na vanu vaje kuvatavesele.

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Yoshwa 22:28

Eci capwile ciyongo cetu, nga eci cikalingiwa, co vatekulwila vetu vakendeka ngwavo, ‘Kengeni, vakukulwila vetu vatungile mutula wakulifwa na mutula wa Shukulu Kalunga. Ukewo kuwapwile wakwenyekela vin̄ombelo nambe kukombelelao embwe, oloni wapwile wa vukaleo akati ka vanu vetu na vanu veni.’