Ezekiyele 42:20 - Livulu lya Shukulu Kalunga

²⁰ Ngecivene, wasetekele mitambela yoshe iwana. Co kwakele civumbe cazengelekeleko, capwile mamita 250 mwoshe mu vwihi na mu vulaja, mukwangununa kuje kwakujela na kuje kwakujeneka kujela.

Ezekiyele 42:20 Iomraidhean Croise

Myaso ya Solomoni 2:9

Muka-cizemo cange napu ngwe shonge nambe ngwe muna nava, kenga, nemana kunima ya civumbe ca njuvo yetu. Alinakunjikengela mu njanena nakunjishumbilila mu vimbengwa vya njanena.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 40:5

Vije vinjamwene vyapwile Njuvo ya Shukulu Kalunga, co kuje kwakele civumbe cazengelekeleko. Uje munalume wambatele citi cendi cakusetekesa, cije capwile mamita atatu mu vulaja, co wasetekele civumbe. Cije civumbe capwile mamita atatu mu vulaja vwa akamwa na mamita atatu mu kuhima.

Ezekiyele 42:19

Asinoni watengulukilile ku mutambela wa mu kangombe ka yambi wausetekele, co wapwile mamita 250.

Ezekiyele 43:12

Eli likelyo lishiko lya Njuvo yange, mutambela woshe wa Njuvo yange uje uli akamwa ya munkinda unapu wakujela manene.”

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

Ezekiyele 45:2

Mu mutambela ou mukakala mwela wakupwa amo nomu-nomu aje akakala Njuvo ya Shukulu Kalunga, ukapwa mamita 250 ku mutambela umo na umo, kuje kukazengeleka mutambela wakujanjavala wa mamita akupwa makumi avali na atanu mu vwihi.

Ezekiyele 48:15

Oloni ku mutambela wakwangula uje wasalako, wakupwa makilomita likumi na avali na litambelo mu vulaja, na mu vwihi unapu makilomita avali na litambelo, kuwapwile wakujela embwe, oloni unapu wakulikwasesa mbunga yoshe ya vanu. Vasa kukakala kuje nakupangesa uje mutambela. Co nganda ikakale mukati kawo,

Ezekiyele 48:20

Ngecivene, mutambela woshe wa mukati, uje uvatundisileko ukapwe mumo kushungama nomu nomu kupwa makilomita likumi na avali na litambelo ku mutambela umo na umo, kuwezelelako mutambela wa nganda.

VaLevi 10:10

Co munapande kwangununa akati kevi vyakundama kuli Njambi nevi vyakupangesa ngoco, akati kevi vyakujela nevi vyakujeneka kujela.

Mika 7:11

Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Luka 16:26

Co kuwezelela ku vyoshe evi, akati ketu nove ali cimbongo cakama, ngeci voshe vali kuno kuvasa kwija okwo kuli yove, nambe wakutunda okwo kuli yove kasa kwija kuno kuli yetu!’

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.