Ezekiyele 41:8 - Livulu lya Shukulu Kalunga

⁸ Njamwene vwimaneno vwazengelekele Njuvo ya Shukulu Kalunga yoshe. Seteko yavwo yapwile mamita avali na litambelo mu vulaja.

Ezekiyele 41:8 Iomraidhean Croise

Ezekiyele 40:5

Vije vinjamwene vyapwile Njuvo ya Shukulu Kalunga, co kuje kwakele civumbe cazengelekeleko. Uje munalume wambatele citi cendi cakusetekesa, cije capwile mamita atatu mu vulaja, co wasetekele civumbe. Cije civumbe capwile mamita atatu mu vulaja vwa akamwa na mamita atatu mu kuhima.

Ezekiyele 43:13

Evi vikevyo viseteko vya mutula, kupangesa seteko imo ngwe seteko ya Njuvo ya Shukulu Kalunga. Kuzengeleka citumbikilo coshe ca mutula, kwakele kapila ka masentimita makumi atanu mu kulova na masentimita makumi atanu mu vwihi, na luliva-liva lwa ku shongo ya anja lwapwile masentimita makumi avali na atanu mu vulaja.

Kujombolola 21:16

Co ije nganda yakele na vimbango viwana, seteko yavyo mu vulaja na mu vwihi vyoshe vyapwile amo. Kangelo wasetekele ije nganda na citi cendi cakusetekesa, yapwile makilomita 2,400 mu vulaja na mu vwihi.