Ezekiyele 41:4 - Livulu lya Shukulu Kalunga

⁴ Wasetekele mulili uje wakele ku shongo ya Mwela Wakujela, wapwile mamita likumi mwoshe nomu-nomu. Asinoni uje munalume wendekele kuli yange ngwendi, “Ou ukewo Mwela Wakujela Manene.”

Ezekiyele 41:4 Iomraidhean Croise

1 Vimyene 6:16

Mulili wa mukati uvatumbwile Mwela Wakujela Manene, vautungilile kunima ya Njuvo ya Shukulu Kalunga. Vulaja vwawo vwapwile mamita 9, co vautepesele na mavaya a kendale kutunda asi nakweta kwilu.

1 Vimyene 6:20

Ou mulili wa mukati wapwile mamita 9 mu vulaja, na mamita 9 mu vwihi, na mamita 9 lalo mu vulaja vwa akamwa. Vyoshe vavifwikile na ngolinde yakujela. Co mutula vaufwikile na mavaya akushelasana a kendale.

1 Vimyene 6:5

Co ku vivumbe vya anja, ku mitambela yoshe ivali, na kunima ya Njuvo ya Shukulu Kalunga, vatungilileko vinjuvo vitatu vyakutulikila vyakutungila imo akamwa ya ikwavo, imo na imo mu vulaja vwa akamwa vwayo yapwile mamita 2.2.

1 Vimyene 7:50

na vinganja, na vyakuzimisa vindeya, na malonga, na vimbashiya vya insense, na vikango vyakwambatela manungu a tuhya, na vikwateso vya mapito a ku Mwela Wakujela Manene, na vikolo vya anja ya Njuvo ya Shukulu Kalunga. Vivala vyoshe evi vavilingisile ngolinde.

1 Vimyene 8:6

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

2 Mizimbu 3:8

Mulili wa mukati, uvatumbwile Mwela Wakujela Manene, wapwile mamita atanu na awana mu vulaja, na mamita atanu na awana mu vwihi, seteko imolika na Njuvo ya Shukulu Kalunga. Co vapangesele ngolinde yakutuvakana vulemu makumi avali mukusalimbisa vivumbe vya Mwela Wakujela Manene.

2 Mizimbu 5:7

Asinoni vaka-kukombelela vambatele Cikasa ca Cikumiiyo nakucaka mu Njuvo ya Shukulu Kalunga, co vacitumbikile mu Mwela Wakujela Manene, mwisi ya vakelumbi va mambava.

Ezekiyele 41:23

Kwakele lipito ku shongo ya ngila yakuya ku Mwela Wakujela, co kwakele lalo cikolo cikwavo ku shongo ya ngila yakuya ku Mwela Wakujela Manene.

Kujombolola 21:16

Co ije nganda yakele na vimbango viwana, seteko yavyo mu vulaja na mu vwihi vyoshe vyapwile amo. Kangelo wasetekele ije nganda na citi cendi cakusetekesa, yapwile makilomita 2,400 mu vulaja na mu vwihi.