Ezekiyele 41:22 - Livulu lya Shukulu Kalunga

²² mutula wa viti. Ukewo wapwile mamita avali na litambelo mu vulaja, na mita imo mu vwihi. Co vimanda vyawo vya mu vimbango, na nsina yawo, na mu mitambela yawo mwoshe vaupangele na viti. Co uje munalume wendekele kuli yange ngwendi, “Eyi ikeyo mesa ikakala ku mesho a Shukulu Kalunga.”

Ezekiyele 41:22 Iomraidhean Croise

1 Vimyene 6:20

Ou mulili wa mukati wapwile mamita 9 mu vulaja, na mamita 9 mu vwihi, na mamita 9 lalo mu vulaja vwa akamwa. Vyoshe vavifwikile na ngolinde yakujela. Co mutula vaufwikile na mavaya akushelasana a kendale.

1 Vimyene 6:22

Mukati ka Njuvo ya Shukulu Kalunga mwoshe vafwikilemo na ngolinde, amolika na mutula wa mu Mwela Wakujela Manene.

1 Vimyene 7:48

Solomoni lalo walingile vivala vya ngolinde vya mu Njuvo ya Shukulu Kalunga, mutula, na mesa ya makende akukombelela kuli Njambi,

2 Mizimbu 4:19

Mwene Solomoni wapangele lalo vivala vya ngolinde vya mu Njuvo ya Shukulu Kalunga, mutula, na vimesa vya makende akukombelela kuli Njambi,

Kutuuka 25:23

“Co shonga mesa ya mavaya a mungongo, masentimita 88 mu vulaja, na masentimita 44 mu vwihi, co na masentimita 66 mu kulova kwayo.

Kutuuka 30:8

Napande kulinga cuma cimo omo ashwameka vindeya ku simbu ya cingwezi. Co mulambu ou wa insense yakunika lwengo lwaluvwa unapande kutwalao ku mesho a Shukulu Kalunga ku visemwa vyeni vyoshe vya kulutwe.

Visimo 9:2

Mana anatsii tusitu twa a ciwano, co anatsingasana vinyu, nakujala mesa.

Myaso ya Solomoni 1:12

Omwo mwene wakele ku mesa yendi, mazi anjavwavele anikile lwengo lwaluvwa.

Ezekiyele 23:41

Vatumbamene a vulili vwavuvwa, na mesa yakujala mwamuvwa kulutwe lwavo. Co a mesa yavo akele insense, na mazi a olive anjavanene.

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

VaLevi 24:6

Co ukaka mikasha mu mikana ivali, mukana umo na umo mukakale itanu na umo, a mesa yakusata na ngolinde yakujela, ije ili ku mesho a Shukulu Kalunga.

Malakiya 1:12

Oloni kumwesi nakunjisingimika omo mwendeka ngeci mutula wange unapu wangoco, nomo mukakombelelao vyakulya vije vimunayengula.

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

1 Kolinte 10:21

Yeni kumwasa kunwa ku nganja ya Mwene nakunwa lalo ku nganja ya minzinzime yakujwala, kumwasa kulya ku mesa ya Mwene nakulya lalo ku mesa ya minzinzime yakujwala.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.

Kujombolola 8:3

Co kangelo mukwavo, uje wakele na lilonga lyakwenyekela insense, wezile nakwimana ku mutula. Vamwanene insense yaingi ngeci awezeleleko ku malombelo a vanu va Njambi voshe nakuwalambula a mutula wa ngolinde uje unemana kulutwe lwa litanda.