Ezekiyele 41:2 - Livulu lya Shukulu Kalunga

² co mu vulaja yapwile mamita atanu, amo na vivumbe vya ku mutambela umo na umo vyapwile mamita avali na litambelo mu kuhima. Wasetekele mulili awo lika, wapwile mamita makumi avali mu vulaja, co mu vwihi wapwile mamita likumi.

Ezekiyele 41:2 Iomraidhean Croise

1 Vimyene 6:17

Co mulili wa kulutwe lwa Mwela Wakujela Manene wapwile mamita 18 mu vulaja.

1 Vimyene 6:2

Mukati ka njuvo, mu vulaja yapwile mamita 27, mu vwihi yapwile mamita 9, co mu vulaja vwa akamwa yapwile mamita 13.5.

2 Mizimbu 29:7

Vashokele vikolo vya Njuvo ya Shukulu Kalunga, vazimine vindeya, co vonwele kwenyeka insense nambe kukombelela vin̄ombelo vya kwenyeka mu Njuvo ya Shukulu Kalunga Njambi ya Isalele.

2 Mizimbu 3:3

Njuvo ya Shukulu Kalunga yatungile Mwene Solomoni yapwile mamita makumi avali na mamita atanu na avali mu vulaja, na mamita atanu na awana mu vwihi.

2 Mizimbu 3:7

Wapangesele ngolinde mukusalimbisa vivumbe vya Njuvo ya Shukulu Kalunga na mashoko na vipamba na mapito. Co a vivumbe vacokweleo vimweso vya vakelumbi va mambava.

Kutuuka 26:36

“Co ku cikolo ca Mbalaka tongelako livamba lya nanga yaivwa ya linyu yakwosha na ulu yakuzivuluka, na yakuvenguluka, na yakuvenga, yakushoveya na vwanda vwakushelasana.

Kutuuka 36:37

Co ku cikolo ca Mbalaka vatongeleleko livamba lya vinanga vyavivwa vya linyu vyakwosha, vyakuzivuluka, na vyakuvenguluka, na vyakuvenga vyakushoveya na vwanda vwakushelasana.

Ezekiyele 47:1

Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Yowano 10:7

Ngecivene, Yesu wendekele lalo ngwendi, “Mwa vushunga njimileka ngwange, yange cikolo ca vimanga.

Yowano 10:9

Yange cikolo. Woshe akovela muli yange akovoka, co akakovela nakutuuka, co akawana kwakulila.