Ezekiyele 40:6 - Livulu lya Shukulu Kalunga

⁶ Asinoni waile ku cikolo cije cakukengesela mu ngangela. Walondelele a vindendelo kuya akamwa, co aje akamwa wasetekele mu vukovelelo, vwapwile mamita atatu kuya kwisi.

Ezekiyele 40:6 Iomraidhean Croise

1 Vimyene 6:8

Cikolo ca ku njuvo yakutulikila ya kwisi cakele ku mutambela wa mu mbwela ya Njuvo ya Shukulu Kalunga, kwakele lalo vindendelo vyakulondela kutunda ku njuvo yamucivali nakuya ku njuvo yamucitatu.

1 Mizimbu 9:18

Vaje vakele ku cikolo kwakukovelela mwene kukengesa mu ngangela, vakevo vakele nakunyunga ku vikolo vya mu vilombo vya vaLevi.

1 Mizimbu 9:24

Co kwakele cikolo calishungamene na mitambela yoshe, ya ku kunto, na ku mbwela, na mu ngangela, na mu kangombe ka yambi, ku cikolo na cikolo kwakele mukulunu wa vaka-kunyunga.

Nehemiya 3:29

Zandoke muna Imeli watungile mutambela wakwatako, uje wakele kulutwe lwa njuvo yendi. Shemaya muna Shekaniya, muka-kunyunga Cikolo ca mu ngangela, watungile mutambela wakwatako.

Myaso 84:10

Litangwa limo lyakukala mu Njuvo yove, lyalivwa kutuvakana matangwa 1,000 akukala kweka, mwamuvwa kuli yange kupwa muka-kunyunga ku cikolo ca njuvo ya Njambi yange, kutuvakana kukala mu membo a vaka-vuvi.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Ezekiyele 10:18

Asinoni vumpau vwa Shukulu Kalunga vwatundile ku cikolo ca Njuvo ya Shukulu Kalunga, co vwezile ku mutambela uje wa akamwa ya vikashama.

Ezekiyele 11:1

Munzinzime wa Njambi wanjijundwile nakunjitwala ku cikolo ca mu ngangela ca ku Njuvo ya Shukulu Kalunga. Co kuyehi na cikolo njamwene vanalume makumi avali na vatanu, amo na Njazaniya muna Azule na Pelatiya muna Mbenaya, vantwama vavali va muyati.

Ezekiyele 40:20

Asinoni uje munalume wasetekele vulaja na vwihi vwa cikolo cije cakengesele ku cipango ca mbanja ya anja.

Ezekiyele 40:22

Co mulili wakama na vinjanena na vivumbe vyakutaleka vimweso vya miti ya mashakavale vyalifwile ngwe vije vya ku cikolo ca mu ngangela. Kuje lalo vindendelo vitanu na vivali vyakengesele ku cikolo, co mulili wakama wakele ku shongo kulishungama na cipango ca mbanja.

Ezekiyele 40:24

Asinoni uje munalume wanjitwalele ku mutambela wa mu mbwela, co kuje twamwene cikolo cikwavo. Wacisetekele, co capwile mumo ngwe vije vikwavo.

Ezekiyele 40:26

Co vindendelo vitanu na vivali vyakengesele kuje, na mulili wayo wakama wakele lalo ku shongo kushungama na cipango ca mbanja. Kuje kwakele vivumbe vya mukati vyakutaleka vimweso vya miti ya mashakavale vije vyalishungamene na cikolo.

Ezekiyele 40:5

Vije vinjamwene vyapwile Njuvo ya Shukulu Kalunga, co kuje kwakele civumbe cazengelekeleko. Uje munalume wambatele citi cendi cakusetekesa, cije capwile mamita atatu mu vulaja, co wasetekele civumbe. Cije civumbe capwile mamita atatu mu vulaja vwa akamwa na mamita atatu mu kuhima.

Ezekiyele 40:7

Kulutwe lwayo kwakele ngila ya mukati, ije yakele na milili itatu yakunyungila ku mutambela wayo umo na umo. Co mulili umo naumo wapwile wakupwa mumolika, wa mamita atatu ku mutambela umo na umo, vivumbe vyakele mukati kayo mwakele mamita avali na litambelo mu kuhima. Co kulutwe lwa milili yakunyungila kwakele ngila ya mukati mamita atatu mu vulaja, ije yakengesele ku mulili wakama uje wakengesele ku Njuvo ya Shukulu Kalunga.

Ezekiyele 41:16

vyoshe vavipangesele na mamanya kutunda asi nakweta ku vinjanena. Vinjanena evi vyoshe vasele kuvifwika.

Ezekiyele 42:15

Omo uje munalume wamanesele kuseteka mutambela wa mukati ka Njuvo ya Shukulu Kalunga, co wanjitwalele anja kutuukila ku cikolo ca mu ngangela, asinoni wasetekele mutambela wa anja.

Ezekiyele 43:1

Asinoni uje munalume wanjitwalele ku cikolo cije cakengesele mu ngangela,

Ezekiyele 43:17

Mutambela wa akati wapwile seteko imolika nomu-nomu, wapwile mamita atanu na avali a mutambela na mutambela na luliva-liva lwa anja ku shongo lwapwile masentimita makumi avali na atanu mu vulaja vwa akamwa. (Co kapila kapwile masentimita makumi atanu mu vulaja.) Vindendelo vyakulondela a mutula vyakele mu ngangela.

Ezekiyele 43:8

Vimyene vatungile vipamba na vivuliko vya vinganda vyavo kushungama na vipamba na vivuliko vya Njuvo yange, ngeci civumbe lika catwangunwine akati ketu. Vashawile lizina lyange lyakujela akulinga vyuma vyoshe vya vunyengwe, cooni mu vukalu vwange njavanyongesele.

Ezekiyele 44:1

Co uje munalume wanjitwamenenene ku cikolo ca anja ku mutambela wa mu ngangela wa Njuvo ya Shukulu Kalunga. Cije cikolo capwile cakushoka,

Ezekiyele 46:12

“Omo mwene uje alinakushwana ashaka kwana mulambu wa cizango kuli Shukulu Kalunga, nambe mulambu wa kwenyeka woshe wamutunu, nambe mulambu wa kulitombola, vakamushokolwele cikolo ca mu ngangela ca ku cipango ca mbanja ya mukati. Ikeye akalambule mulambu mu ngila imo, ngwe mwakalingi a Litangwa Lyakuhwima, co cikolo vakacishoke lalo omo atuuka anja.”

Ezekiyele 47:1

Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.