Ezekiyele 40:45 - Livulu lya Shukulu Kalunga

⁴⁵ Co uje munalume wanjilekele ngwendi uje mulili wakengesele mu mbwela wapwile wa vaka-kukombelela vaje vapangele mu Njuvo ya Shukulu Kalunga,

Ezekiyele 40:45 Iomraidhean Croise

1 Mizimbu 6:49

Co Alone na vatekulwila vendi vakevo vakele nakwana vin̄ombelo vya insense, nakukombelela vin̄ombelo vije vya kwenyeka a mutula. Vakele na moko yakupanga vipangi vyakulemesa mu Mwela Wakujela Manene, na vin̄ombelo vije Njambi wakele nakwaambesa navyo vuvi vwa Isalele. Co valingile vyoshe vije ngwe ku vilongesa vije vyashikile Mosesa, ngamba ya Njambi.

1 Mizimbu 9:23

Co vakevo na vatekulwila vavo vatwaleleleo kunyunga ku vikolo vya ku Njuvo ya Shukulu Kalunga.

2 Mizimbu 13:11

A mutondo a mutondo na a cingwezi na cingwezi vakamukombelelela insense na vimuna vakwenyeka voshe vamutunu. Co vakana vin̄ombelo vya makende vakawaaka a mesa yakujela, co ku cingwezi na cingwezi vakashwameka vindeya a vitumbikilo vya vindeya vya ngolinde. Co tukalingi vije vyanatushiki Shukulu Kalunga, oloni yeni munamuseza.

Myaso 134:1

Yeni voshe vangamba va Shukulu Kalunga, shangazaleni Shukulu Kalunga, yeni voshe vaka-kupanga vutsiki mu Njuvo ya Shukulu Kalunga.

Ezekiyele 40:17

Co uje munalume wanjitwalele nakutuvakana mu ngila ya cikolo nakweta ku cipango ca mbanja. Kwakele milili makumi atatu yakutungila ku vivumbe vya anja, co kulutwe lwayo kwakele mutambela wakujala mamanya,

Ezekiyele 40:38

Muje mu cipango ca mbanja ya anja kwakele mulili wakele kuyehi na cikolo ca mukati ku mutambela wa ku kunto. Cikolo eci cakovelele mu mulili wakama uje wakengesele ku cipango ca mbanja kuje kuvakele nakukushila tusitu va n̄ombelo ya kwenyeka.

Ezekiyele 44:11

Vasa kunjipangela mu Njuvo yange, mukunyunga vikolo nakupanga vipangi vya mu Njuvo yange. Vasa kutsiya vimuna vaje vavalinakukombelela vanu kupwa n̄ombelo ya kwenyeka, co lalo vakakala a vipangi ngeci vapangele vanu.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 45:4

Ukapwa mutambela umo wakujela mu lifuti, uje vakangunwina vaka-kukombelela vaje vaka-kupangela Shukulu Kalunga mu Njuvo yendi. Mukakala lika vinjuvo vyavo na mutambela wa Njuvo ya Shukulu Kalunga.

Ezekiyele 8:5

Njambi wendekele kuli yange ngwendi, “Muna munu, kenga ku kunto.” Co njakengeleko, kuje kuyehi na mutula, ku vukovelelo vwa ngila ya ku cikolo, njamwene kamponya ka vunyengwe kaje kaluvalesele Njambi.

VaLevi 8:35

Mwapande kutumbama mu cikolo ca Mbalaka mutanya na vutsiki a matangwa atanu na avali, mukulinga evi Shukulu Kalunga wavishikile. Nga kumukalingimo, co mukatsa. Eci cikeco cashikile Shukulu Kalunga kuli yange.”

Kulava 18:5

Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

Kulava 3:32

Co mukulunu wa vaLevi wapwile Elyazale muna Alone muka-kukombelela. Ikeye wakele na moko ali vaje vakele nakupanga mu Mwela Wakujela.

Kulava 3:38

Mosesa na Alone na vana vendi vatungilile cilombo cavo kulutwe lwa Mbalaka mu ngangela. Co vakevo vakele na moko yakupanga vipangi vya mu Mwela Wakujela mukwimanenako vanu va Isalele. Munu weka woshe ashwenya kuyehi vapandele kumutsiya.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.