Ezekiyele 40:39 - Livulu lya Shukulu Kalunga

³⁹ Mu mulili ou wakama mwakele vimesa viwana, vivali ku mutambela umo na umo wa mulili. A vimesa vije vene akeo vakele nakutsiila vimuna vakukombelela vin̄ombelo nambe vakwenyeka voshe vamutunu, nambe vakukombelela a vuvi, nameme va vin̄ombelo vyakuliilwisila.

Ezekiyele 40:39 Iomraidhean Croise

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Ezekiyele 40:40

Co anja ya uje mulili kwakele vimesa viwana vyakulifwa, vivali ku mutambela wa vukovelelo vwa cikolo ca ku kunto.

Ezekiyele 40:41

Vyoshe amolika vyapwile vimesa vitanu na vitatu aje vakele nakutsiila vimuna vakukombelela, viwana mukati ka mulili, co viwana lalo anja mu cipango ca mbanja.

Ezekiyele 40:42

Vije vimesa viwana vyakulyata, vyakele muje mu mulili vapangesele mukuvwaesela n̄ombelo ya kwenyeka yoshe, vyapwile vya mamanya akutavozola. Vyapwile masentimita makumi atanu mu vulaja vwa akamwa, co akamwa yavyo vyapwile masentimita makumi atanu na avali na atanu akupwa mumo. Vyakupangesa vyoshe vije vapangesele mukutsiya vimuna vakukombelela, vakele nakuvyaka a vimesa.

Ezekiyele 41:22

mutula wa viti. Ukewo wapwile mamita avali na litambelo mu vulaja, na mita imo mu vwihi. Co vimanda vyawo vya mu vimbango, na nsina yawo, na mu mitambela yawo mwoshe vaupangele na viti. Co uje munalume wendekele kuli yange ngwendi, “Eyi ikeyo mesa ikakala ku mesho a Shukulu Kalunga.”

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

Ezekiyele 46:2

Mwene uje alinakushwana akatunde mu cipango ca mbanja ya anja nakuya mu mulili wakama, co akemane kumukulo wa vimanda vya ku cikolo, simbu vaka-kukombelela valinakwenyeka n̄ombelo yendi yamutunu nakulambula milambu yendi ya kulitombola. Co kuje ku cikolo napande kulemesa, asinoni atuuke anja. Cikolo kuvapandele kucishoka kuvanga noo cingwezi.

VaLevi 5:15

“Nga munu alinga vuvi kujeneka kuzivuka, omo ikeye nonwa kwana vije vyakujela kuli Shukulu Kalunga, co akanene lijamba lya manga nambe membe wakujeneka kapenga, ngeci apwe mulambu wa kuliilwisila kuli Shukulu Kalunga. Co ndando ya uje cimuna inapande kupwa ngwe ndando ije ishakiwa ku Mbalaka Mwakuliwanena.

VaLevi 5:19

Ou unapu mulambu wa kuliilwisila wa a vuvi vuje vwalingile kuli Shukulu Kalunga.”

VaLevi 6:6

Co akatwale kuli muka-kukombelela lijamba lya manga nambe membe wakujeneka kapenga kupwa mulambu wa kuliilwisila kuli Shukulu Kalunga. Co ndando ya uje cimuna inapande kupwa ndando ije vemika ya mulambu wa kuliilwisila.

Malakiya 1:12

Oloni kumwesi nakunjisingimika omo mwendeka ngeci mutula wange unapu wangoco, nomo mukakombelelao vyakulya vije vimunayengula.

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.