Ezekiyele 4:3 - Livulu lya Shukulu Kalunga

³ Nona cikango ca cikuvo citumbike ngwe civumbe mukati kove na nganda. Kenga ku nganda. Nganda valinakuyilwisa, yove ulinakuyilwisa. Eci cikapwa cimweso ku muyati wa Isalele.

Ezekiyele 4:3 Iomraidhean Croise

Isaya 20:3

Omo Ashendonde vaifungulwile, co Shukulu Kalunga wendekele ngwendi, “Ngamba yange Isaya nende mushelengwa, co kazalele vin̄aku ku mendi a myaka itatu. Eci cinapu cimweso ca vije vikalingiwa ku Ingito na Sundane.

Isaya 22:7

Vimbongo vya vwilo vya mu Yunda vyashulile na matemba, co mashwalale vakulonda a tuvalu valitakalekele kulutwe lwa vikolo vya mu Yelusalema.

Isaya 8:18

Yange uno, na vana vaje vananjana Shukulu Kalunga. Tunapu tu vimweso mu Isalele vyakutunda kuli Shukulu Kalunga Muka-nzili yoshe uje wakala a Munkinda wa Siyone.

Njelemiya 39:1

Mu ngonde yamulikumi, mu mwaka wamucitanu na iwana uje Zendekiya wapwile mwene wa mu Yunda, Mwene Nevukaneza wa Mbambilone wezile na mbunga ya mashwalale nakulwisa Yelusalema.

Njelemiya 39:2

A litangwa lyamucitanu na awana ku ngonde yamuciwana yapwisile Zendekiya myaka likumi naumo a vumwene, co vaMbambilone valundumwine vivumbe vya nganda.

Ezekiyele 12:11

Valeke ngwove vije viwunalingi vinapu cimweso ca vije vikalingiwa kuli vakevo, vakavafungulula nakuvapwisa vinzinda.

Ezekiyele 12:6

Tava ngeci vakukengelele omo wambata citele a citsili cove nakuya mu lisusulungu oku unalalameka, ngeci kesi umone kuje kuulinakuya. Eci ciwulinga cikapwa kunangula Isalele.”

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Ndanyele 11:17

“Mwene wa Silya akayongola kwija na mashwalale vendi voshe. Co mukuyongola kunyongesa vumwene vwa citozi cendi, akalikwata nendi vusamba, nakumwana munendi ngeci amwambate, oloni viyongola vyendi kuvikahyana embwe.

VaLevi 2:5

“Nga ou mulambu wa vimbuto vya vinona unapu wa makende akwocela a cikango, anapande kupwa akulinga na vunga vwavuvwa vwakuseneta vwakutsingasana na mazi a olive, oloni akujeneka musima.

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.