Ezekiyele 4:14 - Livulu lya Shukulu Kalunga

¹⁴ Oloni njakumbulwile ngwange, “Embwe, Shukulu Kalunga wa Akamwa ya Vyoshe! Yange kunjalijwalesele. Tunde ku vwanike vwange, kunjalile situ ya kasitu wakulitsila nambe wakuliwa ku cikashama. Kunjalile vyakulya vyakujwala.”

Ezekiyele 4:14 Iomraidhean Croise

Kutuuka 22:30

Lambuleni kuli yange vingombe veni, na vimanga veni vaje vakulivanga kusemuka. Co vimuna vaje vakulivanga kusemuka vakakala na vaina matangwa atanu na avali, co a litangwa lyamucitanu na atatu mukavalambula kuli yange.

Kutuuka 22:31

“Yeni munapu mu vanu vange vakujela, kumwapandele kulya situ ya kasitu uje ivanakwata ku vikashama, oloni yaneni tutali.

Isaya 65:4

Ku vutsiki vaya ku manzenzengoma na ku vimbumbo mukwihula ku minzinzime ya vaka-kutsa. Valya situ ya ngulu, co vauvila musozi wa situ yakukombelela ku vin̄ombelo vya vaka-kujeneka kukulaela.

Isaya 66:17

Shukulu Kalunga alinakwendeka ngwendi, “Vaje vaka-kulijelesa vakevo vavenya nakuya mu mahya akujela nakulya situ ya vingulu, na vimuku na vyuma vyeka vya vunyengwe, vakavanyongesa.

Njelemiya 1:6

Co njakumbulwile ngwange, “Shukulu Kalunga wa Akamwa ya Vyoshe, kunjizivukamo kwendeka, nji mwanike wamundondo.”

Ezekiyele 20:49

Oloni njendekele ngwange, “Shukulu Kalunga wa Akamwa ya Vyoshe, kesi utave ngeci njicilinge! Munu na munu nalinyenge laja ngwendi simbu yoshe yange njikendeka mu tusau.”

Ezekiyele 4:15

Ngecivene, Njambi wendekele ngwendi, “Mwamuvwa manene. Njikakutava upangese tuzi twa vingombe, co ukocao makende ove.”

Ezekiyele 44:31

Vaka-kukombelela kuvapandele kulya kazila woshe-iwoshe wakulitsila, nambe kasitu wakulitsila, nambe wakutsiya ku mukwavo kasitu.”

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Ndanyele 1:8

Oloni Ndanyele wayongwele mu mbunge yendi ngeci kapandele kulijwalesa ikeye vavenya akulya vyakulya nakunwa vinyu vya vumwene, co walombele Ashepenaze, mwata wa mukulunu ngeci amukwase,

VaLevi 17:15

“Munu woshe-iwoshe, nambe kaIsalele, nambe muka-kwija, uje alya situ ya kasitu wakulitsila, nambe wakutsiya ku vikashama, napande kukusha vuzalo vwendi, co ajwele a muvila wendi, co akapwa wakujeneka kujela noo ku cingwezi, asinoni akajela.

VaLevi 19:7

omwo kuyajelele. Nga munu ayilya, co kunjikatambula uje mulambu.

VaLevi 22:8

Kesi akalye situ ya kasitu wakulitsila, nambe uje naliwa ku vikashama, eci cikamujwalesa. Yange njapwa Kalunga.

Vilinga vya Miluwa 10:14

Oloni Petulu wakumbulwile ngwendi, “Embwe Mwene! Omwo kanda njicilye cuma cimo cakujwala nambe cakujeneka kujela.”

Kwituluka mu Mashiko 14:21

“Kesi mukalye kasitu woshe-iwoshe wakulitsila embwe. Mwaneni kuli vaka-kwija vaje valinakukala akati keni, nambe kumulandesa kuli vaka-kwija veka, omwo yeni mwapwa mu vanu va Shukulu Kalunga Njambi yeni. “Kesi mukateleke muna membe mu mavele a vaina embwe.

Kwituluka mu Mashiko 14:3

“Kesi mukalye cuma coshe cije canatumbula Shukulu Kalunga ngwendi ca vunyengwe.