Ezekiyele 39:8 - Livulu lya Shukulu Kalunga

⁸ Shukulu Kalunga wa Akamwa ya Vyoshe wendekele ngwendi, “Litangwa lije linjendekele mwa vushunga likaija.

Ezekiyele 39:8 Iomraidhean Croise

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Ezekiyele 33:33

Oloni omo majwi ove oshe apwa a vushunga, apwa a vushunga vene, asinoni vakazivuka ngeci kuma muka-kwimanena nakala akati kavo.”

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Ezekiyele 39:9

Vanu vaje vali mu vinganda vya Isalele vakaya nakukungulula vitwa vije vyakuseza mwangoco, co vakavipwisa vitale. Co vakavweka tuhya twa vintelo, na mata a lusipa, na mikili, na makunga, na milamu, vakavivwekesa tuhya a myaka itanu na ivali.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.

Kujombolola 16:17

Asinoni kangelo wamucitanu na vavali wetilile lilonga lyendi mu lihunzi. Co lijwi lyakama lyatundile ku litanda lya mu Njuvo ya Shukulu Kalunga lyendekele ngwalyo, “Kunau!”

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.