Ezekiyele 39:10 - Livulu lya Shukulu Kalunga

¹⁰ Kuvakacava lalo vitale mu mahya, nambe kushinja miti mu shwata, omwo vakevo vakakala na vitwa vyakuseza mwangoco vyavingi vyakwota. Co vakapukula nakwivila vaje vavapukwilile nakuvevila. Munjinendeka yange Kalunga wa Akamwa ya Vyoshe.”

Ezekiyele 39:10 Iomraidhean Croise

Kutuuka 12:36

Shukulu Kalunga walingisile vaka-Ingito kusingimika vanu va Isalele kuvana vije vivavalombele. Mu ngila eyi mukemwo vaIsalele vambatele vufuko vwa vaka-Ingito.

Kutuuka 3:22

Oloni munakazi woshe wa kaIsalele akalomba vyuma vya senga na vya siliva na vya ngolinde, na vuzalo kuli mundambo wendi wa kaIngito na kuli uje yalinakukala nendi mu njuvo yendi. Co vakavizika vana vavo va vanalume na ava va vanakazi, co mu ngila eyi mukapukula vufuko vwa vaka-Ingito.”

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Ezekiyele 39:11

Shukulu Kalunga wendekele ngwendi, “Omo vyoshe evi vikalingiwa, njikana Ngonge livu lyakumutsinda mu Isalele, mu Cimbongo ca Vaka-kwenda, mu ngangela ya ku Lishali lya Kutsa. Ngonge na mashwalale vendi voshe vakavatsinda kuje, co cimbongo cije vakacitumbula ngwavo, ‘Cimbongo ca Mashwalale va Ngonge.’

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Hambakuke 2:8

Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.

Hambakuke 3:8

Yove Shukulu Kalunga, kuma vindonga vikevyo vyakuluvalesele ndi? Indi mema a kalunga akewo akuzivisile litoto? Yove wendelele a mashelwa, co linkimba lya lishelwa likelyo lyapwile litemba lyove, omo walingisile vanu vove ngeci vafungulule vitozi vavo.

Zakaliya 14:14

Vanu va mu Yunda vakalwa mukuvingilikiya Yelusalema. Co vakambata vufuko vwakupukula vwavungi vwa miyati ya vanu voshe, ngolinde na siliva na vuzalo.

Mateo 7:2

Omwo na cihiso cije vene muhisa naco vakweni, cikeco lalo akamihisa naco Njambi, co seteko ije museteka nayo vakweni, ikeyo lalo yakamiseteka nayo Njambi.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.