Ezekiyele 38:4 - Livulu lya Shukulu Kalunga

⁴ Yange njikamutengulula, nakumwaka tulovo mu vimbange vyendi, nakumukokangeya nakumutwala kulyala amo na vanu vendi voshe. Mashwalale vendi, amo na tuvalu twavo, na vaka-kulondao vaje vaka-kuzala vuzalo vwakulifwa, vanapu vavangi, co lishwalale woshe nambata ntelo nakulilemeka mukwale.

Ezekiyele 38:4 Iomraidhean Croise

2 Vimyene 19:28

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje njishaka.”

1 Mizimbu 12:8

Awa akewo mazina a mashwalale va lutsimo va mana, va ku muyati wa Ngande vaje valipandakanene mu nzita na mashwalale va Ndaviti omo wakele mu cimpaka mu mambo. Vakevo vazivukile kulwa manene na vintelo, na makunga, co vihanga vyavo vyapwile vya kuluvala ngwe vindumba, co vakele na lumbisi ngwe vishonge va ku munkinda.

2 Mizimbu 25:5

Mwene Amaziya wakungulwile vanalume voshe va muyati wa Yunda na Mbenjemani, wavaangunwine mu vimbunga vya vushwalale, ngwe ku vikota vyavo, co waakele vamyata ngeci vashike vimbunga vya vanalume vakupwa 1,000, na vimbunga vikwavo vya vanalume vakupwa 100. Eci capwile kupandakanako vanalume voshe vaje vakele na myaka makumi avali nambe kutuvakana, voshe vapwile 300,000. Vapwile mashwalale vakwanguka, vaje valivwaeselele cimweja kulwa nzita, vazivukile kulwisa makunga na vintelo.

Isaya 37:29

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje kunjinashaka.

Isaya 43:17

Wanyongesele mashwalale va nzita yakama, mashwalale va matemba na tuvalu. Voshe vawile kuvendukile lalo, vazimine ngwe mukole wa mu ndeya!

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Ezekiyele 23:12

Oholimba wazemene manene vaka-kufuka na vamyata va vaAsilya na mashwalale vaje vazalele vikoveyo vyavivwa vyakulifwa vya vushwalale, na vakulunu vakwendela a tuvalu, na vakwenje voshe vaje vapwile vavavwa manene.

Ezekiyele 29:4

Njikaka kalovo mu vimbange vyove, co visi va mu ndonga vakakakateya kuli yove. Asinoni njikakukokela a nunda ya Ndonga ya Nailo, amo na visi voshe vaje vanakakateya ali yove.

Ezekiyele 38:15

kutunda ku mutambela wove kulyala ku kunto. Yove ukatwamenena mashwalale vakama va nzili, vakutunda ku miyati yaingi, voshe vakalonda a tuvalu.

Ezekiyele 38:3

co muleke ngwove yange Kalunga wa Akamwa ya Vyoshe, njinapu nji citozi cendi.

Ezekiyele 39:2

Njikamutengulwila ku mutambela weka, nakumutwamenena kulyala kutunda ku kunto noo aketa ku minkinda ya Isalele.

Ezekiyele 39:20

Vakalya ku mesa yange ngwe muvanasela, vakalya tuvalu na vaka-kulondao na mashwalale, na vanalume vaka-kulwa. Munjinendeka yange Kalunga wa Akamwa ya Vyoshe.”

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Amose 4:2

Shukulu Kalunga wa Akamwa ya Vyoshe nalisingi a lizina lyendi lyakujela ngwendi, “Litangwa likaija omo vakamikokangeya na tulovo, munu na munu akapwa ngwe isi ali ku kalovo.