Ezekiyele 38:22 - Livulu lya Shukulu Kalunga

²² Njikahisa Ngonge na mushongo wakulitambwisa na kutsa. Co njikanyokesa nyonzi ya mingole na nyonzi ya mamanya, amolika na tuhya na sulufa, co aketikila ali ikeye na a mashwalale vendi, na a miyati yaingi vaje vali ku mutambela wendi.

Ezekiyele 38:22 Iomraidhean Croise

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 34:3

Mivila yavo kuvakaitsindi, oloni ikavolela nakunikila kuje vene, co minkinda ikavenga na maninga.

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Ezekiyele 13:11

Leka vaka-kwimanena ngwove civumbe cavo cikawila asi. Njikanyokesa nyonzi ya mungole. Nyonzi yakama ya mamanya ikanyokelao, na lihunzi lyakama likahuwilao.

Ezekiyele 28:23

Njikatuma mishongo ali yeni, co maninga aketikila mu vitapalo vyove. Vakakulwisa ku mitambela yoshe, co vanu vove vakavatsiya. Asinoni ukazivuka ngwove yange njapwa nji Kalunga.’ ”

Ezekiyele 39:6

Njikashwameka tuhya mu lifuti lya Mangonge, na ku vikuma vyoshe kuje vanu valinakukala mu kwoloka, co munu woshe akazivuka ngeci yange njapwa Kalunga.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Mateo 7:27

Co omo nyonzi yanyokele, na livazi lyezile, co lihunzi lyakama lyahuwile nakuningangesa ije njuvo, co yawile, co kuwa kwayo kwapwile kwakuvi manene!”

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 16:21

Nyonzi yakama ya mamanya yanyokele, limanya limo na limo akulipeselesa lyapwile ngwe makilo makumi atanu, atundile mwilu nakuwila a vanu, vaje vashawile Njambi omwo tuyando twa nyonzi ya mamanya, omwo kayando kaje kapwile kakukomokesa manene.

Kujombolola 20:9

Vashandokelele ano asi oshe, co vazengelekele cilombo ca vanu va Njambi na nganda ije yazema. Oloni tuhya twatundile mwilu, co twavanyongesele.

Kujombolola 8:7

Kangelo wakulivanga wembile lupembo lwendi, co kwanyokele nyonzi ya mamanya na tuhya, vyakukumbasana na maninga vyetikilile asi, co litambelo lyamucitatu lya asi lyenyele njwa na litambelo lyamucitatu lya mwila woshe wakuzivuluka lyenyele njwa.