Ezekiyele 38:16 - Livulu lya Shukulu Kalunga

¹⁶ Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ezekiyele 38:16 Iomraidhean Croise

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

Kutuuka 14:18

Omo yange njikavafungulula, co vaka-Ingito vakazivuka ngeci yange njapwa Kalunga.”

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 8:13

Anuka ngeci yange Kalunga Muka-nzili yoshe, njapwa wakujela, yange lika imunapande kukomoka.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 36:23

Omo njisholola kujela kwa lizina lyange lyakama, lizina lije limwazivisile shwamwa akati kavo, asinoni vakazivuka ngeci yange njapwa Kalunga.’ Munjinendeka yange Kalunga wa Akamwa ya Vyoshe. Njikamipangesa mukumwesa miyati ngeci kuma njapwa wakujela.

Ezekiyele 38:23

Mu ngila eyi njikamwesa miyati yoshe ngeci yange njapwa nji wakama, co njapwa wakujela. Asinoni vakazivuka ngeci yange njapwa Kalunga.”

Ezekiyele 39:21

Shukulu Kalunga wendekele ngwendi, “Njikamwesa vumpau vwange ku miyati yoshe munjikapangeselamo nzili yange omo njivanyanyamesa.

Ezekiyele 39:27

Mukumwesa miyati yaingi ngeci yange njapwa wakujela, njikanena vanu vange kuvatundisa ku mafuti oshe kuje kuvakala vitozi vavo.

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 2:28

Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Njwele 3:11

Yeni miyati yoshe mwazengeleka kuno, ijeni vwasi-vwasi mukungulukile mu cana.’ ” Yove Shukulu Kalunga, tumako mashwalale vove ngeci vakavalwise.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Kwituluka mu Mashiko 31:29

Njazivuka ngeci omo njinatsi laja, mukongumuka nakuseza evi vinjinamilongesa. Cooni kulutwe mukakovela mu vukalu, mukaluvalesa Shukulu Kalunga akulinga vije vyanavindika.”

1 Timateo 4:1

Munzinzime alinakwendeka nakutungukwa ngwendi vanu vamo a simbu yakukotoka vakaseze kukulaela kwavo, vakononoka minzinzime ya makuli nakukavangeya vilongesa vya minzinzime yakujwala.

2 Timateo 3:1

Anuka ngwove kukakala kukaluwa a simbu ya matangwa akukotoka.

Kujombolola 20:9

Vashandokelele ano asi oshe, co vazengelekele cilombo ca vanu va Njambi na nganda ije yazema. Oloni tuhya twatundile mwilu, co twavanyongesele.