Ezekiyele 38:13 - Livulu lya Shukulu Kalunga

¹³ Vanu va ku Shemba, na Ndendane, na vaka-kulandulula va mu vinganda vya Sipeini vakakwihula ngwavo, ‘Unakungulula laja mashwalale vove nakulwa mukupukula ndi? Ushaka kwambata siliva na ngolinde, na vimuna na vufuko, ngeci uye navyo vyoshe ndi?’ ”

Ezekiyele 38:13 Iomraidhean Croise

Myaso 57:4

Njili mukati ka vitozi vakufwa ngwe vindumba. Mayo avo anafu ngwe makunga na mikili, kwendeka kwavo kuvavalesa ku mbunge ngwe mikwale yakuvambuka.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Njelemiya 15:13

Shukulu Kalunga wendekele kuli yange ngwendi, “Njikatuma vitozi mukwambata vivala na vufuko vwa vanu vange, mukuvanyanyamesa a vuvi vuje vuvanalingi mu lifuti mwoshe.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 51:38

VaMbambilone voshe vakaana ngwe vindumba, co vakonena ngwe vana va vindumba.

Ezekiyele 25:13

Ngecivene, njendeka ngwange njikanyanyamesa Endome nakutsiya vanalume voshe na tusitu voshe. Njikaipwisa mupulungwa, kutunda ku nganda ya Temane nakweta ku nganda ya Ndendane, co vanu vakavatsiila mu nzita.

Ezekiyele 27:12

“Vanu va ku Tashishi valandulwile nove omwo wapwile muka-kufuka. Valandakanene siliva, na vutale, na citasu, na shumbu.

Ezekiyele 27:15

Vanu va ku Ndendane valandulwile nove, co vanu va ku vikuma vyavingi vakwanene mayo a vinjamba na miti yakushonga milamu mukulandakana na vufuko vwove.

Ezekiyele 27:20

Vanu va ku Ndendane valandesele vinanga vya viseleyi vya a tuvalu mukulandakana na vufuko vwove.

Ezekiyele 27:25

Mato akama atundile ku Tashishi ambatele vivala vyove. Yove wapwile ngwe vwato vwakama vwa ku mema a kalunga, vwakushula na vufuko vwavungi.

Ezekiyele 32:2

“Muna munu, nangula mwene wa Ingito. Muleke lijwi eli lyakutunda kuli yange ngwove, ‘Yove unayongola ngwove unapu ngwe ndumba akati ka miyati, oloni unapu ngwe ngandu muka-kulapa a mema mu ndonga. Yove uvundula mema na mendi nakuviisa mu ndonga.

Njwele 3:8

Co njikakundika vana veni va vanalume na ava va vanakazi ku mavoko a vanu va mu Yunda, co vakevo vakavalandesela kulyala kuli vaSavene. Yange Kalunga, njinendekamo.

Zakaliya 11:3

Vaka-kushwana valinyenga na vusiwa, omwo vumpau vwavo vunahu njwa! Tolilileni kwaana kwa vindumba, omwo shwata ije yapwa limbo lyavo lya ku ngenge ya Yondau inanyongo!