Ezekiyele 37:9 - Livulu lya Shukulu Kalunga

⁹ Njambi wendekele kuli yange ngwendi, “Muna munu, ambulula vuka-kwimanena ku lihunzi. Leka lihunzi ngwove, Shukulu Kalunga wa Akamwa ya Vyoshe nashiki lihunzi litunde ku mitambela yoshe iwana, ngeci lishokwele muku mu mivila eyi ya kutsa, ngeci ikale na mwonyo.”

Ezekiyele 37:9 Iomraidhean Croise

Myaso 104:30

Omo uvelwisila mwonyo, co vayoya, waana mwonyo wauha ano asi.

Myaso ya Solomoni 4:16

Induka, yove lihunzi lya ku kunto. Huwila mu citungu cange, yove lihunzi lya ku mbwela, shulisamo na lihunzi lya lwengo lwaluvwa. Muka-cizemo cange aije mu citungu cendi nakulya vushuka vwamwo vwavuvwa.

Ezekiyele 37:14

Yange njikaka muku wange muli vakevo, co vakayoya nakukala mu lifuti lyavo vene. Asinoni vakazivuka ngeci yange njapwa Kalunga. Yange njakulaesa ngwange njikalinga vyuma evi, co njikalingamo vene. Munjinendeka yange Kalunga.”

Ezekiyele 37:4

Co wendekele ngwendi, “Ambulula vuka-kwimanena ku vitsiya. Leka vitsiya evi vyakuma kutolilila ku lijwi lya Shukulu Kalunga.

Ezekiyele 37:5

Vileke vije yange Kalunga njendeka kuli vikevyo ngwove, ‘Yange Kalunga wa Akamwa ya Vyoshe, njikashokwela muku muli yeni, co mukakala na mwonyo.

Ezekiyele 37:8

Omo njakengele, njamwene vitsiya vyashangumukile kulifwika na mishisha na mishuni, asinoni cikonde cavifwikile akamwa. Oloni mu mivila yavyo kumwakele mwonyo.

Ndanyele 11:4

Oloni a simbu yendi yakushwana, co vumwene vwendi vukalyangunuka mu mitambela iwana. Co vimyene vaje kesi vatekulwila vendi vakashwana mu lipela lyendi, oloni kuvakakala na nzili ngwe ikeye embwe.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Zakaliya 6:5

Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

Yowano 3:8

Lihunzi lihuwa kwoshe kulishaka, wasa kuziva cililimo calyo, oloni kuwasa kuzivuka kuje kulitunda nambe kuje kuliya. Ngecivene, mukemwo mucinapu navoshe vaje vanasemuka ku Munzinzime Wakujela.”

Kujombolola 10:11

Asinoni vanjilekele ngwavo, “Yove unapande kwambulula lijwi lya Njambi ku mafuti a mangi na ku vanu vavangi na ku vindaka vyavingi na ku vimyene vavangi.”

Kujombolola 11:11

Munima ya matangwa atatu na litambelo, co muku wa mwonyo watundile kuli Njambi wakovelele muli vakevo, co vemanene, co voshe vaje vavamwene vazivile lyova.