Ezekiyele 37:21 - Livulu lya Shukulu Kalunga

²¹ Asinoni valeke ngwove yange Kalunga wa Akamwa ya Vyoshe, njikatundisa vanu vange voshe akati ka miyati kuje vaile, njikavakungulwila amolika, co njikavelwisila ku lifuti lyavo vavenya.

Ezekiyele 37:21 Iomraidhean Croise

Ezekiyele 36:24

Njikamiilwisa kumitundisa ku miyati yoshe na ku mafuti oshe nakumiilwisila ku lifuti lyeni lalo.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Ezekiyele 39:27

Mukumwesa miyati yaingi ngeci yange njapwa wakujela, njikanena vanu vange kuvatundisa ku mafuti oshe kuje kuvakala vitozi vavo.

Ezekiyele 34:13

Njikavatundisa ku mafuti a vungenzi, nakuvakungulwila amolika, co njikavelwisila ku lifuti lyavo vavenya. Njikavatwamenena ku minkinda na ku vana va vindonga vya Isalele, co njikavalisila ku mwila wauvwa.

Njelemiya 50:19

Njikelwisila vanu va Isalele ku lifuti lyavo. Co vakalya vyakulya vije vilinakumena a Munkinda wa Kalemele mu lifuti lya Mbashane, co vakalya vyoshe vije vivashaka ku vimbuto vije vilinakumena mu mafuti a Efalime na Ngilyande.

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Ezekiyele 36:10

Vanu veni vakatuma. Mukayoya mu vinganda nakutungulula vyuma vyoshe vije vyanyongele.

Ezekiyele 37:20

“Kwata viti vyoshe vivali mu livoko lyove, ngeci vanu vavimone.

Ezekiyele 38:8

Omo myaka yaingi ineti njikamushika kukovela mu lifuti muje muvelwisilile vanu kutunda ku miyati yaingi, kuje vakele nakuyoyelako kujeneka lyova lya nzita. Co akakovelela minkinda ya Isalele, ije yapwile vingundu ivasezele simbu yakama, oloni kuje ololo vanu voshe valinakukala mwamuvwa.

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Mika 4:6

Shukulu Kalunga alinakwendeka ngwendi, “Simbu ilinakwija, omo njikakungulula vanu vaje vanjanyanyamesele, vaje vayandelele mu vunzinda.

Nahumi 2:2

(Shukulu Kalunga ashaka kwilwisa lalo vumpau vwa Isalele, ngwe muje muvwakeleko laja simbu kanda vitozi vendi vamupukule.)

Zefaniya 3:20

Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Njelemiya 31:17

Kucili cinyangavili cove kulutwe, vana vove vakeluka lalo kwimbo. Yange Kalunga, njinendekamo.

Ezekiyele 39:28

Asinoni vanu vange vakazivuka ngeci yange njapwa Kalunga Njambi yavo. Vakazivuka cuma eci omwo yange njavatwalele ku vunzinda, co ololo njikavakungulula nakuvelwisila mu lifuti lyavo vavenya, naumo wai wa ali vakevo akasala munima.