Ezekiyele 36:8 - Livulu lya Shukulu Kalunga

⁸ Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Ezekiyele 36:8 Iomraidhean Croise

Myaso 67:6

Vimbuto vinamene mu livu, Njambi, uje wapwa Njambi yetu natuvezikisa.

Myaso 85:12

Mwa vushunga Shukulu Kalunga, akana vije vyavivwa, co tukateja vimbuto vyavingi mu lifuti lyetu.

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 65:9

Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Ezekiyele 17:23

a munkinda wa Isalele uje waulaja manene. Minango yawo ikakola nakwima vushuka, co ukemuka muti wa kendale wauvwa. Co tuzila va miyati yoshe vakakalako, vakavanda mu munzinze wawo.

Ezekiyele 36:7

Yange Kalunga wa Akamwa ya Vyoshe, njilinakulisinga na cikulaeso ngwange miyati yoshe vaje vanamizengeleka vakavazivisa shwamwa.

Njwele 2:22

Eni tusitu, kesi muzive lyova. Mwila ulinakujovelela, miti ilinakwima vushuka vwayo, co mikuyu yaingi manene na mikolovozi ya vushuka vwa vinyu inapu yaingi.

Njwele 2:24

Majungwilo eni akashula na vimbuto, co viteke vije vili kumikulo ya vikamwino vya vinyu vikashumuka na vinyu na mazi a olive.

Filipu 4:5

Mweseni kalemeso kuli vanu voshe. Mwene alinakwija ololo.

VaHevelu 10:37

Ngwe muje muvyendeka visoneka ngwavyo, “Kucili kasimbu kakandondo lika co uje alinakwija akaija, co kakeshwala embwe.