Ezekiyele 36:3 - Livulu lya Shukulu Kalunga

³ “Ngecivene, ambulula vuka-kwimanena vwa vije vinjendeka yange Kalunga wa Akamwa ya Vyoshe. Omo mafuti akulyata vafungulwile nakupukula minkinda ya Isalele, co voshe vashendumwine Isalele.

Ezekiyele 36:3 Iomraidhean Croise

Myaso 35:25

Kesi utave valyendekese vakevo vavenya ngwavo, “Eyo, tunamuwana! Mukemwo vene mutwashakele muje.”

Myaso 61:1

Ziva mutambi wange yove Njambi, co kumbulula lilombelo lyange!

Myaso 69:12

Vaka-kushwana na maako vasimutwiiye ali yange mu vingila, co njapwa mwaso lalo kuli vaka-kupenda vwala.

Myaso 79:10

Omwo vikajo miyati vatwihula ngwavo, “Njambi yeni ali kulijo?” Linga shambandinga miyati akutsiya vangamba vove.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Visimo 1:12

Tuvaleuleni voshe oku vayoya, ngwe vaje vashelumuka ku vukalo vwa vatsi, tuvatsindeni voshe ngwe vaje vavatsinda mu mbulu!

Njelemiya 18:16

Lifuti lyavo vanalipwisa lyakukomokesa, likapwa lyakushauka ku myaka yoshe. Voshe vaje vaketilamo vakalisimoka a vije vakamonamo, vakaningangesa mitwe yavo nakulikomokela.

Njelemiya 2:15

Valinakumwanena ngwe vindumba, lifuti lyendi vanalipwisa mambo, co vinganda vyendi vinapu vyamupulungwa, naumo wai wakalamo.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Njelemiya 52:1

Zendekiya wakele na myaka makumi avali na mwaka umo omo wapwile mwene wa mu Yunda, co washwanene mu Yelusalema myaka likumi na umo. Lizina lya vaina lyapwile Hamutale muna Njelemiya uje wakele mu nganda ya Limbena.

Mbimbi 2:2

Shukulu Kalunga wanyongesele membo oshe a mu Yunda kujeneka mema ku mbunge, co mu vukalu vwendi wasiwile vimpaka vije vyanyungile lifuti, wazivisile shwamwa vumwene na vaka-kushwana vavwo.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Mbimbi 3:62

Litangwa lyoshe vendeka lika vya ali yange nakuyongola viyongola vyavo.

Ezekiyele 12:20

Vinganda vije vinashulu na vanu ololo vakavinyongesa, co lifuti likapwa mambo yangoco. Asinoni vakazivuka ngeci yange Kalunga.”

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 35:13

Njinazivi kulishasha na kulyalesa kuunendeka ali yange.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

Ovandiya 1:13

Kumwapandele kukovela mu nganda ya vanu vange, nakwambata vufuko vwavo, a litangwa lya tuyando twavo.

1 Kolinte 4:13

omo vatushaula, co tukumbulula na majwi a ngozi. Vanatupwisa vishwashwa vya ano a kaye, tunapu mazilo a asi kweta na ku simbu ino vene.

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.