Ezekiyele 36:2 - Livulu lya Shukulu Kalunga

² Kalunga wa Akamwa ya Vyoshe, njilinawo ali vakevo ngwange, ‘Vitozi va Isalele vashendumwine nakwendeka ngwavo malundu aje amalaja a ku san̄ulu anapu avo!’

Ezekiyele 36:2 Iomraidhean Croise

Myaso 78:69

Watungile Njuvo yendi yakujela, nakuyipwisa yailaja ngwe munkinda, ngwe kaye kaje kaatumbika myaka yoshe.

Myaso 83:13

Vashandole ngwe likungu yove Njambi yange, ngwe vishwashwa vije vipekumuka na lihunzi.

Isaya 58:14

co mukawana kujolela mukunjipangela yange. Vakamisingimika mu kaye mwoshe, co mukajolela mu lifuti lije linjanene kuli kukulwila yeni Yakomba. Yange Kalunga, Njinendekamo.”

Njelemiya 49:1

Evi vikevyo vyendekele Shukulu Kalunga ali Amoni ngwendi, “Vali kulijo vanalume va Isalele? Kukwesi umo wa ali vakevo wakwimanena lifuti lyavo ndi? Omwo vikajo vatava vanu vaje vaka-kulemesa Moleki kutambula lifuti lya muyati wa Ngande nakutungamo?

Ezekiyele 25:3

Valeke vatolilile vije vinjendeka yange Kalunga wa Akamwa ya Vyoshe, ngwange, ‘Munakele nakuvwaelela omo mwamwene Njuvo yange inaviya, nakumona lifuti lya Isalele linashandoka, nakumona vanu va mu Yunda valinakuya ku vunzinda.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Ezekiyele 35:10

“Yove wendekele ngwove eyi miyati ivali Yunda na Isalele, amolika na mafuti ayo, akundama kuli yove ngeci asa kupwa ove, nameme yange Kalunga, njapwile Njambi yavo.

Ezekiyele 35:12

Asinoni ukazivuka ngeci yange Kalunga, njakuzivile ulinakwendeka na kashaundu ngeci minkinda ya Isalele yapwile vingundu vyangoco, co yapwile yove ngeci uyinyongese.

Ezekiyele 36:1

Shukulu Kalunga wendekele ngwendi, “Muna munu, endeka ku minkinda ya Isalele, valeke vatolilile ku majwi aje yange,

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ovandiya 1:13

Kumwapandele kukovela mu nganda ya vanu vange, nakwambata vufuko vwavo, a litangwa lya tuyando twavo.

Hambakuke 3:19

Shukulu Kalunga wa Akamwa ya Vyoshe ikeye muka-kunjana nzili. Ikeye muka-kuzambwisa mendi ange ngwe shonge, nakunjikwasa ngeci njishatuke a minkinda.

Kwituluka mu Mashiko 32:13

“Ikeye wavatavesele kushwana mafuti a malundu, valile vije vyamenene mu mahya. Vawanene vuki mukati ka mamanya, miti yavo ya olive yakolele mwamuvwa mu livu lya mamanya.